Albistea entzun

Medikuen greba Nafarroan. Eztabaida politikoa

«Pribatuaren interesak babestea» egotzi dio LABek Sindikatu Medikoari

Iruñeko elkarretaratzean, sindikatuak adierazi du sendagileen esklusibotasuna kentzea osasun publikoaren kalterako izanen dela
LAB sindikatuak elkarretaratzea egin zuen atzo, Iruñean.
LAB sindikatuak elkarretaratzea egin zuen atzo, Iruñean. JAGOBA MANTEROLA / FOKU Tamaina handiagoan ikusi

Itsaso Jauregi -

2023ko urtarrilak 27 - Iruñea

Nafarroako Sindikatu Medikoak Nafarroako Gobernuarekin esklusibotasuna kentzeko negoziatu du azken hilotan. Negoziazio horiek salatzeko LABek elkarretaratzea egin zuen atzo, Iruñean, eta adierazi zuten esklusibotasuna kentzea osasungintza pribatuaren mesederako izango dela.

Esklusibotasunaren negozioaren kontra. Osasun Publikoa defendatu pankartarekin batera, Lander Peiro LABeko delegatuak osasun publikoa babesteko beharra azpimarratu du: «Nafarroako Sindikatu Medikoak proposatzen dituen aldarrikapenak osasungintza pribatuaren mesederako dira, gainerako langileen lan baldintzak aldi berean okertuz. Sindikatu korporatibista eta neoliberal horren helburua Nafarroako osasun sistema publikoa desegitea da».

Nafarroako Gobernuaren asmoa ere kritikatu du sindikatu abertzaleak, osasungintza pribatuaren interesak babesteko egin duela esanez, sistema publikoari kalte eginez. Beraz, sindikatua Iruñean mobilizatu da esklusibotasun osagarriari eustea eskatzeko, eta osasun publikoa defendatzeko: «Langileen lan baldintzak hobetzeko neurri errealak berehala abian jartzea nahi dugu», esan du Peirok.

Medikuen esklusibotasuna medikuntzaren praktika pribatuari borondatez uko egitean datza, eta horren truke, hilero osagarri ekonomiko bat kobratzen dute medikuek. Horregatik, esklusibotasuna kentzeak ondorio «larriak» izango dituela adierazi du sindikatuak. Besteak beste, aipatu dituzte «lan ordutegiak ez betetzea», baliabide publikoak «gaizki» erabiltzea, norberaren bezeroei arreta hobea ematea gainerako pazienteei baino, eta osasun zerbitzu publikoetan probak egiteko aukera izatea gero kontsulta pribatuetan erabiltzeko. «Neurri horiek mediku gutxiri egiten diote mesede», esan du Peirok.

Etorkizunari begira

Sindikatuak esan du ez duela onartuko Nafarroako Osasun Zerbitzuko langileei mehatxu egitea: «LABek beharrezkoak diren neurriak planteatuko ditu horri aurre egiteko; bakarrik edo klase kontzientzia duten eta osasun zerbitzu publikoak defendatu nahi dituzten guztiekin batera».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskaldunen erdiak baino gehiago eremu erdaldunetan bizi dira

Euskaldunen erdiak baino gehiago eremu erdaldunetan bizi dira

Arantxa Iraola Irati Urdalleta Lete

VII. Inkesta Soziolinguistikoa aurkeztu du Eusko Jaurlaritzak. Biztanleen %21,9k erabiltzen dute euskara erdara adina edo gehiago, 2016an baino 38.000 gehiagok. Gazteak aritzen dira gehien
Seaskako ikasleak, atzo, Bernat Etxepare lizeoaren aitzinean, Baionan. ©GUILLAUME FAUVEAU

Parisen «mespretxua» salatu du Seaskak, eta borrokan segituko dutela erran

Ekhi Erremundegi Beloki

Jorajuriak erran du brebeta euskaraz pasatzeko eskubidea «irabazi» dutela. Seaskako 120 ikaslek frantsesez eginen dituzte baxoko azterketak
Uliazpi fundazioko langileen elkarretaratzea, epaia salatzeko. ©BERRIA

Gipuzkoako Batzar Nagusiek Uliazpin euskara eskatzearen alde egin dute

Jone Arruabarrena

EH Bilduk eta EAJk aurkeztutako erdibideko zuzenketa onartu dute. Elkarrekin Podemosek eta PSE-EEk kontra bozkatu dute
Sindikatu guztietako ordezkariek atzo egindako agerraldia, Iruñean. ©LAB

Txibiterekin zuzenean negoziatu nahi dute hezkuntzako sindikatuek

J.A.

Salatu dute Hezkuntza Departamentuak «jarrera arduragabea» izan duela negoziazioetan. Apirilaren 3rako greba deialdiari eutsi diote

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...