Fijaiten neurriei uko eginen diela berretsi du Peio Irigoienek Pauen

Mila euroko isuna eskatu du prokuradoreak euskal preso ohiaren kontra. Paueko Dei Auzitegiak martxoaren 12an emanen du erabakia
Peio Irigoien.
Peio Irigoien. ISABELLE MIQUELESTORENA Tamaina handiagoan ikusi

Ekhi Erremundegi Beloki -

2020ko urtarrilak 31

Peio Irigoien euskal preso ohia irmo mintzatu da Paueko Dei Auzitegiaren aitzinean. Fijait arau-hauste terroristen egileen Frantziako fitxategi judizial automatizatuan izendatu ondotik ezarri zizkioten neurriak ez ditu onartzen, eta ez ditu beteko. Fijait fitxategia egotea bera auzitan jarri du: «Ez dut onartzen bertan sar nazaten, ez ni, ez beste nehor». Mila euroko isuna eskatu du prokuradoreak. Martxoaren 12an emanen dute erabakia.

2015eko urtarrilean Charlie Hebdo aldizkariaren kontra izandako atentatuen ondotik egin zuten zerbitzu sekretuen legean onartu zuen Frantziako Asanbleak Fijaiten sorrera, eta 2016ko udazkenean salatu zuten jakinarazpenak jasotzen hasi zirela euskal presoak eta preso ohiak fitxategian sartzen zituztela ohartarazteko. Kontrol judizial baten antzera, haien helbidea justifikatu eta mugimenduen berri emateko eskatzen diete fitxategian izendatuak direnei. Irigoienek uko egin dio orain arte neurriak betetzeari, eta, horregatik, auzipetu egin zuten 2018ko irailean. Epaileak hamar hilabeteko epea eman zion bere egoera erregulatzeko, baina erabakiari dei egitea erabaki zuen euskal presoak.

Baionako auzitegiko argudio berak erabili zituzten atzo ere abokatuek. Fijait txostena Giza Eskubideen Europako Hitzarmenaren kontrakoa dela eta Irigoienen bizitza pribatua eta familiarra oztopatzen dituela. Paueko auzitegiak zigorra berresten badu, Parisko Kasazio Auzitegira joateko asmoa dute abokatuek, eta, handik, Europako Giza Eskubideen Auzitegira.

Anartean, Askatasunen epaileak Irigoien Fijait fitxategitik kentzea onartu du berriki, baina ministerio publikoak dei egin du. Instrukzio Ganberako presidentearen esku dago orain erabakia.

Elkarretaratzea Hazparnen

EH Baik babesa erakutsi dio Irigoieni, eta Frantziari eskatu diote «erabaki ausartak eta zentzuzkoak» har ditzala euskal preso eta preso ohi guztien aurka ezarritako legedi bereziak desaktibatzeko eta euskal preso politikoen kaleratze prozesua gauzatzeko.

Bestalde, elkarretaratzea antolatu du herritar talde batek larunbat honetarako, 11:00etan, Hazparneko elizako plazan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Maria Txibite, Santos Indurain eta Enrique Maia, prentsa agerraldian, atzo eginiko bileraren ostean. ©JESUS DIGES / EFE

Beste 23 ospitaleratze: maiatzaren 14tik zenbatu den kopuru handiena

Olatz Esteban Ezkati

Kasu positiboen beherakada izan da Hego Euskal Herrian. Txibitek ez du neurri orokorrik ezarriko

Emakume bat COVID-19aren proba egiten, New Delhin, Indian. ©STR / EFE

Errusiak COVID-19aren aurkako lehenengo txertoa erregistratu du

Munia El Marhoum Iruretagoiena

Putinek adierazi du «immunitate iraunkorra» ematen duela; OMEk, berriz, ohartarazi du erakundearen azterketak igaro beharko dituela. Munduko kutsatu kopuruak hogei milioiren langa gainditu du

 ©Aritz Loiola / Foku

Ostiralean erabakiko dute gaueko aisialdirako mugez

Berria

Bizkaiko eta Gipuzkoako ostalariek auzitara jo dute, 01:30 baino beranduago ixteko aukera eskatuz

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna