Albistea entzun
Emakumeen aurkako indarkeriari ez
Emakumeen aurkako indarkeriari ez

Euskal Herriko Itzulia

Zirraragarri dator berriro

Bihar hasiko da Itzulia, Hondarribian, eta oso lehiatua izatea espero da. Roglic da faborito nagusia, baina beste hautagai asko dago
Tamaina handiagoan ikusi

Eñaut Agirrebengoa -

2022ko apirilak 3

Ikuskizunaren berme bihurtu da Euskal Herriko Itzulia. Aurreko bi aldiek munduko probarik erakargarrienen artean kokatu dute. Bukaera apoteosikoa izan zuen 2019an, Ion Izagirreren iraultza tarteko, eta iaz Primoz Roglic izan zen azken etapan lasterketa hankaz gora jarri zuena. Esloveniarrak bi garaipen lotzeko erronkari helduko dio bihartik aurrera. Faborito garbia da.

Hasteko, bihar 7,5 kilometroko erlojupekoa jokatuko da Hondarribian. Indarra ez ezik, teknika ere erabakigarria izango da, herri barnean ariko direlako. Garaipena segundo apur batzuen kontua izango da, eta lehen aldeak zabalduko dira faboritoen artean. Biharamunean egun lasaiagoa izango dute, Leitza eta Viana artean. Saiorik luzeena izango da ?207,9 kilometro?, eta hortzak zorrotz izango dituzte errematatzaileek eta iheslariek.

Hurrengo egunetan ere, helmugaraino iristeko aukerak edukiko dituzte abenturazaleek. Ibilbidea hautsia izango da; beraz, tropelaren kontrolak ezingo du hertsia izan. Onenek belarriak tente eduki beharko dituzte Laudio eta Amurrio artean jokatuko den etapan, baita Gasteizetik Zamudiora bidean ere. Ostiralean, berriz, Zamudiotik abiatuko dira, eta Mallabian egongo da helmuga, 800 metroko horma batean. Aurrez bost mendate eta aldapa ugari igoko dituzte.

Lasterketa azken egunean erabakiko da. Etaparik motzena izango da ?135,7 kilometro?, baina baita gogorrena ere, 4.000 metroko desnibela baitu. Bi aldiz igoko dira Arratera, eta, iaz bezala, mendate mitikoan txapela jantzi nahiko du Roglicek. Pogacar egon ezean, Remco Evenepoel (Quick Step) izango da Jumbo Vismako lemazainaren mehatxu nagusia. Izen asko ageri dira koska bat beherago: Julian Alaphilippe (Quick Step), Jonas Vingegaard (Jumbo Visma), Sergio Higuita eta Aleksandr Vlasov (Bora), Adam Yates eta Dani Martinez (Ineos), Enric Mas (Movistar)… Euskal herritarrei dagokienez, esperantza Pello Bilbao (Bahrain) eta Ion Izagirrerengan (Cofidis) egongo da jarria.

Atariko, atzo jokatu zen Miguel Indurain saria. Eguraldia tarteko, ibilbidea laburtu zuten, eta Warren Barguil (Arkea) gailendu zen.

Ikusi gehiago: Markel Irizar: «Estrategia da Roglici irabazteko modu bakarra»

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Antoine Griezmann eta Kylian Mbappe, Frantziaren atzoko partidako bi izarrak, irribarrez elkarri eskua ematen. ©JOSE SENA GOULAO / EFE

Hautagaitza aurkeztuz

Beñat Mujika Telleria

Frantziak partida ederra egin du Danimarkaren aurka, baina nahi baino gehiago sufritu du azkenerako. Argentinak lehen jardunaldiko arantza atera du
Thomas Mueller Alemaniako aurrelaria, Hansi Flick hautatzaileari bostekoa ematen Japoniaren aurkako partidan. ©RUNGROJ YONGRIT / EFE

Garai batekoen aldean, antzu

Eñaut Agirrebengoa

Gaur egungo aurrelaririk ez dago Munduko Kopako golegile nagusien artean. Orain arte, soilik Thomas Muellerrek gainditu du hamar goleko langa.
 ©RONALD WITTEK / EFE

Qatar, potentzia izan nahi zuen emirerri txikia

Ricard Gonzalez

Diktadura absolutista bat ezarria dute Qatarren. Oso azkar garatu da azken urteetan, atzerriko langileen esplotazioari esker. Anbizio handia du nazioartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...