Albistea entzun

KRITIKA. Musika

Azkenik, lehen aldiz

Marta Garcia -

2022ko martxoak 23

ORF

Zuzendaria: Marin Alsop. Biolontxeloa: Kian Soltani. Egitaraua: H. Eisendleren Heliosis, R. Schumannen Biolontxelo eta orkestrarako kontzertua op. 129 eta A. Dvoraken 7. sinfonia op. 70. Lekua: Donostiako Kursaal auditoriuma. Eguna: Martxoak 20.

Marin Alsop zuzendari estatubatuarrak bere gainean daramatza hainbat titulu: lehen emakumea eta emakume bakarra, beste batzuen artean; eta bere ibilbidean ezezko asko jaso izan dituen arren, aitzindari izatearen zama arduraz eta sen onaz darama. Alsopek batutaren eta orkestraren arteko harreman tiraniko eta despotak atzean uzten ari garelako uste osoa duen arren, keinuaren eta autoritatearen pertzepzioan emakume ala gizon izateak oraindik ere markatzen duen aldeaz kontziente ere bada, eta errealitate horrek dakartzan zailtasunak gainditzeko lan egiten du.

Hannah Eisendle vienarraren Heliosis obrak ireki zuen kontzertua, ORF orkestraren enkarguz duela hamar egun estreinatu zena. Bere hitzetan, orkestratik iragazi nahi du «kedar zikinaren antzeko udako egun bat, itogarria eta likatsua», hariak eta haizeak modu liluragarrian zotinka uzten dituena, perkusioaren lanketa sakona gehituz.

Robert Schumannen Biolontxelo eta orkestrarko kontzertua-n Kian Soltani batu zen; edo, hobeto esanda, orkestra batu zitzaion biolontxelo jotzaileari, une oro egon baitzen haren dinamiken eta ñabarduren esanetara, orkestrak biolontxeloaren soinu ederra irentsiko ote zuen beldurra —Schumannek berak adierazia— baztertu nahian. Fraseatzea zein jauzi teknikoak guztiz menperatzen ditu Soltanik, tesitura osoan tinbre goxo eta borobila mantenduz, nahiz eta tarteka bolumen eta intentsitatean motz geratu. Amaitzean, Lovely minka abesti ukrainar herrikoia eskaini zuten, omenaldi eta bis gisa.

Antonin Dvoraken 7. sinfonia zirraragarria izan zen Alsopen batuta zintzoari zein ORF-eko musikarien lan bikainari esker. Haizeen soinu sendoa, histrionismorik gabea, handikiro entzun zen Poco adagio-an; harien malgutasuna eta doitasuna oihal distiratsuz jantzi zituen Alsopek Scherzo-Vivace-an. J. Strauss eta G. Winklerren bisek orkestraren bikaintasuna berretsi baino ez zuten egin.

Beste mugarri bat Alsopentzat: 2021-2022 denboraldi klasikoaren konpositore zerrendara emakume baten izena ekartzen lehena izan da. Horretan ere aitzindari izan beharrak agerian uzten du zeinen bide luzea dugun oraindik aurretik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.