Sormena lantzeko liburuxka honek (90 orrialde) izenburuak dioena eskaintzen du: komikiak egiten ikasteko gidaliburua da. Lanean jartzeke, proposamenak arakatzeko astia hartu dut (nola, bestela) eta irudipen sorta bat etorri zait burura:
Hasteko, hau ez da marrazketa lantzeko liburu bat. Egin zeure manga edota Ikasi superheroiak marrazten tankerako proposamen mordoa dago merkatuan; ez da horien artean sartzen. Marrazketan trebatzen laguntzen du, baina estiloa ezarri gabe, norberak berea gara dezan ahal bezain libre.
Ez da, ez, komikigintzaren teorian hain ospetsu egin zen Scott McClouden Understanding Comics edo Will Eisnerren Comics & Sequential Art gisako teoria liburuen ildoa urratzen duen lan bat ere. Hala ere, ariketa bakoitza komikigintzaren teoria azalpenekin hornituta dago, zentzurik praktikoenean bada ere.
Haurrekin aritu beharko banu, 89. orrialdeko Trebetasunak atala erabiliko nuke orientabide gisa. Baldin eta komikigintzan maila baneuka. Bestela, haurrak autodidaktak diren neurrian, euren kasa liburua erabiltzen uztea izango litzateke onena.
HAUR ETA GAZTE LITERATURA. 'Egin zeure komikiak!'
Etorkizuneko komikigileentzat
Idazlea: Jess Smart Smiley. Ilustratzailea: Jess Smart Smiley. Itzultzailea: Imanol Salegi Urbieta. Argitaletxea: Ibaizabal.
Iruzkinak
Ez dago iruzkinik
Ordenatu
