Albistea entzun

Irune Costumerori alabaren zaintza partekatua ukatu dio auzitegiak

GAS gurasoen alienazio sindrome faltsua argudio hartuta, kendu egin zioten zaintza 2017an. Costumerok mendekutzat jo du epaia
Irune Costumero, artxiboko irudi batean.
Irune Costumero, artxiboko irudi batean. ANDONI CANELLADA / FOKU Tamaina handiagoan ikusi

Erredakzioa -

2021eko azaroak 30

Bizkaiko Auzitegiak ukatu egin dio alabaren zaintza partekatua Irune Costumerori. Alabaren zaintza kendu zioten 2017ko abuztuan, GAS gurasoen alienazioaren sindrome faltsua argudio hartuta. Costumerok Bizkaiko Foru Aldundiko lau langile salatu zituen, prebarikazioa, tratu txarrak eta kalte psikikoak eragitea egotzita, baina epaitegiak errugabetu egin zituen uztailean. Costumerok berak esan zuen epaia abisu bat zela amentzat. Espainiako Auzitegi Gorenean helegitea jarriko zuela ere iragarri zuen. Beste kolpe bat hartu du Costumerok: alabaren zaintza partekatua ukatu diote.

Bizkaiko auzitegiaren epaia «benetako mendekua» dela adierazi du Costumerok, eta erakundeen «zurikeria» salatu du, joan zen astean indarkeria matxistaren aurkako ekitaldietan egon zirelako, baina ez dietelako «emakumeei sinesten tratu txarren emaileak salatzen dituztenean, eta manipulatzailetzat jotzen» dituztelako.

Bitan salatu zuen Costumerok senar ohia. Gurutzetako erietxeak haurraren zaurien berri eman zion fiskaltzari. Aitak egin zizkiola esan zuen neskak. Edonola ere, aita errugabetu egin dute orain arte eginiko epaiketa guztietan. 2017. urtean, foru aldundiak bere gain hartu zuen haurraren zaintza, eta erabaki zuen haurra aitarekin biziko zela, argudiatuta neskak amaren manipulazioaren eraginez zuela aitaren kontrako jarrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Heriotzak lehengora itzuli dira Gipuzkoan ez beste tokietan

Mikel P. Ansa

2020an heriotzak izugarri ugaritu ziren, eta 2021ean lehengora itzuli dira, iaz baino 2.700 jende gutxiago hilda. Gipuzkoan heriotzak ez dira hain nabarmen gutxitu, eta Iparraldean ugaritu egin dira. Grafiko interaktiboak, albistearen barruan.

Orain jende gehiago joan ohi da hainbat erakundek eskaintzen dituzten janari poltsen bila. ©DAVID FERNANDEZ / EFE
 ©IÑIGO URIZ / FOKU

«Euskararen inposizioaz hitz egitea gorroto diskurtso bat da»

Ion Orzaiz

Euskararen erabilera sustatzea, administrazioan profil linguistikoak ezartzea eta zarata mediatikoa apaltzea xedetzat jo du Ollo kontseilariak. Onartu du, hala ere, desadostasun nabarmenak daudela gobernu barruan
Erreskatatutako ontzia, Mediterraneo itsasoan. ©ITSAS SALBAMENDU HUMANITARIOA

Zazpi migratzaile hil dira 'Aita Mari'-k parte hartu duen erreskate batean

Uxue Rey Gorraiz Iosu Alberdi

280 migrante zihoazen itsasontzian, Mediterraneoa zeharkatzeko asmoz. Italiako Kostazainek eraman dituzte Lampedusako portura

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.