Albistea entzun

Espainiako Gorteetarako hauteskundeak. Hego Euskal Herria

EH Bilduk «alde egiteko» eskatu die Guardia Zibilari eta Espainiako Poliziari

Iñarrituk esan du «zentzuzkoa» dela Espainiako Segurtasun Indarren kopurua «egokitzea». Intxaurrondoko kuartel sarreran mintzatu da
Jon Iñarritu, atzo, Intxaurrondoko kuartelaren sarreran.
Jon Iñarritu, atzo, Intxaurrondoko kuartelaren sarreran. ANDONI CANELLADA / FOKU Tamaina handiagoan ikusi

Jon O. Urain -

2019ko apirilak 17 - Donostia

Espainiako Gorteetarako hauteskundeen kanpainan, ezohiko lekura joan zen atzo EH Bildu. Guardia Zibilak Intxaurrondon (Donostia) duen kuartelaren atarian, agerraldi bat egin zuen Jon Iñarritu Espainiako Kongresurako EH Bilduren Gipuzkoako zerrendako bigarrenak, Espainiako Segurtasun Indarrak Euskal Herritik joan daitezela eskatzeko. Izan ere, uste du ez duela «zentzurik» Espainiako Poliziak eta Guardia Zibilak Euskal Herrian jarraitzeak: «Bada garaia indar armatu eta polizialen presentzia garai berrietara egokitzeko». Hortaz, «alde egiteko» eskatu zien.

Iñarrituk hiru arrazoi nabarmendu zituen Espainiako Segurtasun Indarrak joan daitezela argudiatzeko. Batetik, arrazoi «demokratikoa»: «Gure herrian, gure erakundeetan, oso argi geratu da herri honetan gehiengoak ez duela nahi indar polizial hauen presentzia». Bestetik, «legezkoa»: gogora ekarri du 1979ko estatutuak jasotzen duela Ertzaintza Polizia «integrala» dela: «Guardia Zibilaren eta Espainiako Poliziaren funtzioak bazterrekoak dira, eta, horregatik, ez dauka zentzurik milaka eta milaka polizia egotea». Alde horretatik, oroitarazi zuen Euskal Herria dela Europan polizia ratiorik handiena duen lurraldea; mila biztanletik zazpi polizia daude, eta milatik bi egotea aholkatzen du Europako Batasunak.

Azkenik, azpimarratu zuen «zentzuzkoa» dela Segurtasun Indarrek Euskal Herritik alde egitea, «oso kasu ilunetan» nahastuta egon direlako. Gerra zikina eta tortura jarri zituen adibide: «Horretaz asko dakite hemen, Intxaurrondon».

Mugimendu handirik gabeko aldea da Intxaurrondoko kuarteleko sarrera, eta ez zegoen inor hesian. Iñarritu hitz egiten ari zela, ordea, Guardia Zibilaren bi furgoneta iritsi ziren, kaletik kuartelera. Barrura sartu beharrean, hesian geratu ziren, Iñarritu agerraldia egiten ari zen lekutik hogei bat metrora, eta zortzi polizia inguru atera dira autoetatik. Agerraldia amaitzearekin batera sartu dira kuartelera.

Bigarrena helburu

Sorpresa handirik ezean, EH Bilduk ziurtatuta dauka Gipuzkoan diputatu bat eskuratzea. Mertxe Aizpurua da zerrendaburua. Bigarrenarekin, ordea, zalantzak daude; zenbait inkestaren arabera, Espainiako Kongresura joateko moduan legoke Iñarritu, baina, horretarako, Gipuzkoan boto gehien eskuratuko dituzten bi alderdien artean egon beharra dauka EH Bilduk. Ordezkaritza lortuz gero, hirugarren legealdia luke Iñarrituk Madrilen; kongresuan egon zen 2011-2015 artean, eta senatari aritu da azken urteetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.