Albistea entzun

HIZPIDEAK

Eskubidea eta mina

Martxelo Otamendi Egiguren -

2021eko martxoak 23

Baldin badago eztabaida bat zuzenbidean sekula agortzen ez dena, adierazpen askatasunaren muga juridikoena da. Lehendabizi, askatasun horrek muga behar ote duen, eta, muga behar izatekotan, non jarri muga hori.

Zigor Kode on batek ahalik eta zehatzena zedarritu behar ditu delituak, ondo identifikatu zer den delitu eta zer ez, justizia egin behar dutenek argi eduki dezaten zer zigortu eta zer ez. Kode zehaztugabe batek aukera ematen baitu egitate beraren gaineko oso juzgu desberdinak emateko, erabat kontrajarriak kasu batzuetan. Zehazteko zailtasun horren gailurrean adierazpenarekin lotura daukaten kasuak daude.

Adierazpen askatasunari ematen zaion balioa tresna egokia da gizarte baten kalitatea neurtzeko. Europako Batasuneko komisario batek —Giza Eskubideetako Dunjia Mijatovicek— dotorezia handiarekin iradoki dio Espainiari Zigor Kodearen zenbait atal alda ditzan, adierazpen askatasunari traba egiten diotelako, besteak beste, afera hauetan: terrorismoaren gorazarrea, erregearen aurkako irainak, erlijio sentimenduen kontrakoak...

Erraz egingo dugu bat askatasunari mugak ez jartzeko jarrerarekin. Horregatik, indar berarekin defenditu beharko genuke beste batzuen eskubidea guretzat balio handikoak diren elementuen aurka egiteko. Mina eraginda ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.