Albistea entzun

«Galdera da ea erreala den egun D eredu esaten den hori»

Arantxa Iraola - Irati Urdalleta Lete -

2022ko apirilak 14 - Gasteiz

Hizkuntza bakoitzak izan behar duen pisua izan da akordioko auzi nagusietako bat. Bildarratzen esanetan, euskarak izan behar du sistemaren «zutoina», baina gaztelera eta ingelesa alde batera utzi gabe. Begi onez ikusi du B2 maila lortu beharra, eta, helburua bete den ikusteko, ebaluazioa gakotzat du.

Zer da euskara ardatz duen eredu eleaniztuna?

Muina, zutoina euskara duen sistema. Ikasleen %80 baino gehiago D ereduan badago, hori da gure sistema, baina, aldi berean, gaztelaniarekin eta gutxienez beste hizkuntza batekin.

A, B eta D eredurik ez da aipatzen itunean. Desagertzera doazela eta, bertigorik?

Ez, guztiz aurkakoa. Ikastetxearen hizkuntza proiektua oinarrizko elementua da. DBH amaituta, ikasleak B2ra ailegatu behar du euskaraz eta gaztelaniaz, eta B1era hirugarren hizkuntzan. Irakasleen formakuntza ezinbestekoa izango da.

Nola egingo da jarraipena ikusteko eskolek B2 maila lortzen dutela? Zer gertatuko da atzean geratzen direnekin?

Ez da eskolekin; ikasleekin da. Ebaluazioa da elementu nagusiena hori neurtu ahal izateko. Ez ikaslearena bakarrik: irakaslearena, zentroarena, sistemarena... Ebaluatu beharra daukagu, helburuak betetzen diren jakiteko, eta, bestela, zuzentzeko.

Baina ikusten bada zentro batek hautaturiko hizkuntza ereduarekin ez direla lortzen helburuak?

Sistemak baditu neurriak hartzeko bideak, eta horregatik da garrantzitsua ebaluazio irizpideak oso garbi izatea.

D ereduarekin ez bada lortzen euskaraz aski gaitasun, nola bermatu eredu honekin lortzea?

Nik nire zalantzak ditu lortzen den edo ez den: selektibitatera doazenen bi herenek euskara hautatzen dute azterketa egiteko, eta %99k gainditu egiten dute... Badagoela zer hobetua? Bai. Badagoela zer egina? Bai. Ikastetxe bakoitzak bere ardura hartu behar du, eta guk lagundu behar diogu hori aurrera eramaten, bere errealitateari erantzuteko.

Ez da orain atzerapauso bat egongo hainbat eskolatan?

Ez, ez, ez. Galdera da ea erreala den egun D eredu esaten den hori. D ereduak jarraituko du; kontua da ea ez ote zaion hainbat tokitan indar gehiago jarri behar errealitate horri, nahiz D eredua izan.

Hainbat zentrotan ez da joko gaztelania gehiago erabiltzera?

Ez dauka zertan. Zergatik aldatu behar du ikastetxe batek bere hizkuntza politika helburuak lortzeko? Benetan funtzionatzen dion ikusi behar da, edo babes gehiago eman behar diogun, helburuak bete ditzan.

Ez da murgiltzea hautatu. Kataluniako epaiak izan du eraginik?

Zer da murgiltzea edo ez murgiltzea? D eredua murgiltzea da? D eredua murgiltze eredua bada, ia dena murgiltze eredu batean dago. Alderdi politikoen artean hain zaila izan zitekeen gaia gatazkatik baztertu da. Murgiltzea eta beste hainbat kontzeptutatik ihes egin da, sinesten delako ikastetxeen ahalduntzean, autonomian eta irteera profilean. Profila argi adierazia badago eta irakasleen trebakuntza badago, uste dut egoera egokia dela lanean ondo aritzeko.

Ikastolen Elkarteak kritika egin du, Euskal Herriaren aipamenik ez delako akordioan. Ez zaizu beharrezkoa iruditzen?

Ez diot garrantzirik ematen legebiltzarrak bidali digun horretan, jakinda bai gure legerian, orokorrean, eta bai egun martxan dauden curriculumetan eta liburuetan eta materialetan badagoela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla

Auto ilara bat, Bilbo inguruan, artxiboko irudi batean. ©ANDONI CANELLADA / FOKU

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoan eten baten ostean. Datu demografikoak, ekonomikoak, sozialak eta ingurumen arlokoak landu ditu behategiak

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

Osasun Bidasoa plataformako ordezkariak, atzo, Eusko Legebiltzarrean. ©BERRIA

Osakidetzaren kudeaketa eredua auzitan jarri du oposizioak legebiltzarrean

Edurne Begiristain

Oposizioko talde guztiek kritikatu dute Jaurlaritzaren Osasun Sailaren jarduteko era «bertikala». EAJk eta PSEk elkarrizketa defendatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...