Albistea entzun

'Baleh-baleh' filmak irabazi du Ikuspuntu jaialdiko sari nagusia

Pascal Bodeten lana saritu du epaimahaiak. Santestebanen '918 gau' filmak publikoaren saria eta epaimahaiaren aipamen berezia jaso ditu
Jaialdian saritu dituzten filmen egileak eta ordezkariak.
Jaialdian saritu dituzten filmen egileak eta ordezkariak. IKUSPUNTU JAIALDIA Tamaina handiagoan ikusi

Aitor Biain -

2022ko martxoak 22

Pascal Bodet zinemagilearen Baleh-baleh filmak jaso du aurtengo Ikuspuntu zinema dokumentalaren Nafarroako jaialdi nazioartekoaren sari nagusia. «Solasaldi bikain eta sigi-sagatsua da, etengabe gauza harrigarriak ezagutzera ematen dituena», txalotu du epaimahaiak. Sail Ofizialean lehian aritu diren 21 filmen artean hautatu dute, eta Arantza Santestebanen 918 gau filmak, berriz, aipamen berezia jaso du.

Martxoaren 14tik 19ra bitarte egin dute zinema jaialdiaren XVI. aldia. Guztira ehun film inguru proiektatu dituzte, hogei herrialde baino gehiagotakoak, eta Marina Vinyes Albes, Roger Koza eta Christopher Smallek osatu dute aurten epaimahaia.

Zuzendari onenaren saria Mengqi Zhangi eman diote. Self-Portrait: Fairy Tale in 47 Km filma aurkeztu du lehiaketan zinemagileak, eta epaimahaiak hala goratu du: «Film benetan paregabea da, zinema demokratiko mota berri baten bidea abiarazi duena». Gazteek ere Zhangenari eman diote beren sari nagusia.

Film labur onenaren saria, berriz, Shireen Seno zinemagilearen To Pick a Flower filmak jaso du. Epaimahaiaren iritziz, «obra zinez hauskorra» da: «Artxiboko irudien eta pantaila beltzen joko leuna, zeinetan ahots erdi urratu batek, hain justu, ikusten dugunaren inguruan hitz egiten duen».

Arantza Santestebanen 918 gau filma Sail Ofizialean lehiatu da, eta, sari nagusirik irabazi ez arren, jaso du aitortzarik. Epaimahaiak aipamen berezia egin baitio film onenaren alorrean Javier Codesalen Evangelio mayor filmak ere jaso du aipamena, eta ikusleen saria ere jaso du.

X Films

X Films ataleko saria, berriz, Blanca Camell zinemagilearen Renacuajos-ek jaso du. Film proiektuentzako atala da X Films; egileek idatziz aurkeztu behar izan dituzte proposamenak, eta ikusleen aurrean azaldu jaialdian. Hala goratu du epaimahaiak Camellen lana. «Proposamen honetan, irudien sorkuntza, familia transmisioa eta memoria laburpenak lotzen dira, zentzumen eta oroitzapenen bidez. Istorio intimo batetik abiatuta, haur denetik emakume bihurtzerainoko igarobidea eta amatasuna arakatzen ditu».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Finala.</b> 2017ko Bertsolari Txapelketa Nagusiko finala, BECen. ©A. LOIOLA / FOKU

Txapelketa: zauri edo ukendu

Miren Mujika Telleria

Bilboko Bizkaia pilotalekua izango du azken geltoki Txapelketa Nagusiaren trenak. Ibilbide gorabeheratsua eginda, gaur helduko da hara. Kolpea edo poza izango da gaurko saioa bertsolarientzat, gaur erabakiko baita zein zortzi bertsolari arituko diren Nafarroa Arenako oholtzan.
Jon Sarasua idazlea, atzo, Donostian, <em>Harizko zubiak</em> liburuaren aurkezpenean. ©GORKA RUBIO / FOKU

Hizkuntza lankidetzaren kontrabandoa

Jone Bastida Alzuru

Jon Sarasuak Haitira, Pernambucora, Mexikora eta Tangerrera egindako bidaietako esperientziak eta gogoetak jaso ditu liburu batean: 'Harizko zubiak'. Pamielak atera du

Iñigo Etxezarreta abeslaria <em>Guretzat</em> diskoaren aurkezpenean, atzo, Bilboko Kafe Antzokian. ©MARISOL RAMIREZ / FOKU

Rockero izandakoen runbak

Olatz Silva Rodrigo

ETS taldeak 'Guretzat' diskoa kaleratu du. Ska eta rock doinuak alde batera utzi, eta beste hainbat musika estilo uztartu dituzte

Gartxot komikigileak sortutako <em>Barruan</em> komikiko irudietako bat. ©GARTXOT / ATARAMIÑE

Kartzelak kolpatutako literatura bat

Iñigo Astiz

2002tik 2017ra bitartean kaleratutako liburu kolektiboetako testu hautaketa bat, Jose Mari Sagardui 'Gatza'-ren memoria liburu bat, eta Gartxoten 'Barruan' komikia kaleratu ditu Ataramiñek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...