HIZPIDEAK

Mina

Jon Ordoñez Garmendia -

2018ko martxoak 11

Paco Etxeberriak dio herri honetan biktima batzuek izan dutela aitorpen instituzionala, baina ez soziala. Eta beste batzuek izan dutela aitorpen soziala, baina ez instituzionala. Biktimen Eguna da gaur, eta Etxeberriaren hitz horiek nolabait modu sinple batean adierazten dute Euskal Herrian horiekiko izan den jokaera. Hitz bat, isiltasun bat, zarata bat, tinbre bat, pintaketa bat, poltsa bat, esku bat, bizkar bat, muxu bat, malko bat. Begiradak. Ezinezkoa da neurtzea azken hamarkada luzeetan Euskal Herriko gatazkak utzitako mina, mina kuantifikaezina delako. Baina parteka daiteke, eta herri honek badu batzuek eta besteek sentitu duten mina ezagutzeko beharra. Horrek ez ditu zauriak sendatuko, ez guztiak behintzat, baina Ane Muguruzak gaur egunkari honetan aipatzen duen kontakizun poliedrikoak puntu batera eramango du gizarte osoa. Eta puntu hori izan daiteke abiapuntu bat edo helmuga bat, baina elkargune bat izango da.

Biktimei ezin dakieke hori baino gehiago eska. Eta hori ere ezin dakieke exijitu. Baina gizarteak eta alderdiek horien mina ezagutu eta guztiei aitortzeko beharra duten bezala, erakundeei dagokie horien guztien mina arduraz kudeatu eta aitorpen instituzionala guztiei egitea. Eta, horretarako, ezinbestekoa da mina eragiten jarraitzen duten indarkeriak gelditzea. Gelditzeko eskatzea. Gelditzeko exijitzea. Oraindik ere mina ez baita soilik oroitzekoa, gehiago ez eragitekoa baizik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Bizkaiko hiriburuan gaitzaren oldarraldi bat dagoenik esateko motiborik ez dagoela adierazi dute, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna