Albistea entzun

IRLEN SAREA

Elkarrizketak

Gorka Julio -

2016ko martxoak 5

Egoitz Gonzalez lagunari sakelako telefonoarekin gertatutakoa ezin sinistu ibili naiz azken astean. Kontatu zidan nola telefonoz hitz egiten edo gertu izandako zenbait elkarrizketak baldintzatzen zuten ondoren agertzen zitzaion publizitatea. Kasualitateak izan daitezke, baina badirudi egiatik zerbait ere badagoela.

Haren kezka Android telefonoarekin lotuta zegoen. Android sistemak bere azken bertsioetan audio bidezko bilaketa dauka, eta, horri lotuta, OK Google funtzioa. Funtzio horrek ahots bilaketa aktibatzeko aukera ematen du, eta, ondorioz, horren ostean ahozko bilaketak egiteko aukera. Teknikoki, beraz, argi dago: mikrofonotik, behintzat, entzuteko gaitasuna badu sistemak.

Aipatutako gertakariak behin baino gehiagotan gertatu omen dira. Gizakiok gauzak arrazoitzeko dugun joera naturala kontuan hartuta ere, arraroa zirudien; irudi batekin gertatutakoak, aldiz, gauzak okertu zituen. Lagunak marka ez oso ezagunen testu bati irudia atera zion, eta hurrengo egunetan marka horri buruzko publizitatea jasotzen hasi zen. Horrek ez du noski audioarekin zerikusirik, baina bai publizitatea bideratzeko datu gurutzaketarekin.

Apur bat ikertzen eta Interneten begiratzen ibilita, badirudi ez dela pertsona bakarra. Interneteko foro ugaritan afera horri buruzko zalantzak eta kexak ageri dira, normala izan ohi dena horrelako gaiekin. Baina BBCk ere albiste batean jaso du azkeneko astean: http://tinyurl.com/bbc-entzunketa.

Albistean, aipatutako jendearen esperientziak kontatzeaz gain, zenbait adituk egindako probak azaltzen dituzte. Aukera hori posible den edo ez aztertzen saiatzeko, aplikazio bat sortu dute adituek. Aplikazio horrek mikrofonoa erabiltzeko baimena eskatu ondoren, lortu dute jasotzen den audioa testura pasatu, eta, hitz gako egokiak aukeratuz, publizitate berezitua bideratzea jendeari. Posible izateak ez du gertatzen dela adierazi beharrik, baina aukerak egon badaudela frogatzeko behintzat balio du.

Googlek ukatu egin du gertatutakoa, eta adierazi du datu horiek ez dituela erabiltzen. Edozein kasutan, egingo balu ere, seguruenik gure onespena emana genioke, jakin gabe ere, onartzera behartzen gaituzten erabilpen baldintzen arteko lerroren batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Ibarruri oso harro sentitu zen beti bere euskal erroez»

Amaia Igartua Aristondo

Dolores Ibarruri 'Pasionaria'-ren biografia bat argitaratu berri du, haren artxibo pertsonalean oinarritutakoa: 'No pasarán'. XX. mendearen zati handi bat zeharkatzen du bizkaitarraren bizitzak.
EPICA ikerketan 2.872 metroko sakoneratik ateratako izotz lagina, 2002-2003an. ©LAURENT AUGUSTIN/CNRS PHOTOTHQUE

Izotzik zaharrena nahi dute

Jakes Goikoetxea

Beyond EPICA ikerketa proiektua Antartikan lanean ari da, izotza zulatu eta duela 1,5 milioi urtera arteko izotz lagina ateratzeko. Laginari esker, klimaren bilakaera ezagut dezakete.

Andres Urrutia euskaltzainburua eta Gaizka Aranguren kazetaria, <em>Ezina ekinez egina</em> saioan. ©BERRIA

Euskararen historiari buruzko saioa gaur ETB1en: 'Ezina ekinez egina'

Enekoitz Telleria Sarriegi

Gaizka Arangurenek aurkeztuko du. EITBk bat egingo du Euskararen Nazioarteko Egunarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.