Albistea entzun

Koronabirusa

Hegoaldeko erietxeetan 401 paziente daude koronabirusak jota

75 lagun artatzen ari dira Hegoaldeko ZIUetan. Osasunbidearen eta Osakidetzaren arabera, 169 herritar hil dira koronabirusagatik asteon
Antigeno probak egiteko zentro bat, Donostian.
Antigeno probak egiteko zentro bat, Donostian. GORKA RUBIO / FOKU Tamaina handiagoan ikusi

Erredakzioa -

2022ko otsailak 22

Oro har, pandemiaren datuek beherantz segitzen dute. Erraterako, Hego Euskal Herrian beste 557 positibo detektatu zituzten atzo, egindako 3.575 probetatik; bestela erranda, proben %15,5 izan dira positibo. Positibo berrien beheranzko joera ospitaleetako egoeran ere ageri da. Izan ere, 401 paziente daude koronabirusak jota Hego Euskal Herriko erietxeetan, eta horietako 75 ZIU zainketa intentsiboetako unitatean.

Iragan urteko abendu hasieratik ez zen agertu ospitaleetan hein horretako kopururik. Orduan, 400 paziente ziren ospitalean, eta 79 ZIUan. Azken bi hilabeteetako daturik apalena da, beraz. Nabarmentzekoa da, bestalde, bi astean nabarmen apaldu direla datuak: ospitaleratuak 860 ziren hilabete hasieran, eta orain 401 dira, erdiak baino gutxiago.

Osasunbideak eta Osakidetzak emandako datuen arabera, bestalde, otsailaren 14tik 20rako astean 169 lagun hil dira koronabirusagatik Hego Euskal Herrian.

Araba, Bizkai eta Gipuzkoako hamalau eguneko intzidentzia tasari begiratuz gero, 90 urtetik gorako herritarren artean da gorena: 1.222 da 100.000 biztanleko. 40 eta 49 urte artekoen artean, 1.020 da, 30 eta 39 urte artean 954. 80 eta 89 urte artean, berriz, 799 da; 50 eta 59 urte artekoena 718, eta 20 eta 29 urte artekoena 741,5.

Txertaketa aurrera

Txertaketaren datuei begira, haurren artean ere aitzina doa kanpaina. Osakidetzak emandako datuen arabera 5 eta 11 urte arteko haurren artean %57,6k jarri dute txertoa. Horien artean, %20k dute pauta osoa. Horiek horrela, Osakidetzak haurrentzako dituen txertoen %44 baliatu ditu.

Helduei dagokienez, guztira, 4.585.379 dosi jarri dituzte Osakidetzan. Horien artean, herritar helduen %92,7k dute hartua pauta osoa.

Osasunbidearen datuen arabera, 1.385.395 dosi jarri dituzte Nafarroan txertatze kanpaina hasi zenetik. Horien artean 552.841 dira pauta osoa jarria dutenak. Hala, aurrera segitzen du txertatze kanpainak Nafarroan. Kasurako, 936 dosi jarri zituzten herenegun.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ikasle bat Hernaniko Langile ikastolan sartzen, gaur goizean ©Jon Urbe / FOKU

Arabako, Bizkaiko eta Gipuzkoako eskola publikoetan greban daude gaur

Irati Urdalleta Lete

ELA, LAB eta Steilas sindikatuek deitu dituzte langileak grebara, Eusko Jaurlaritzaren Hezkuntza Legearen aurreproiektuaren kontra egiteko. Sindikatuen arabera, jarraipena %60koa da; Hezkuntza Sailak esan du ikastetxeen %43ren datuak dituztela, eta horietan irakasleen %38,6k egin dutela greba.

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Espainiako Polizia Gernikan (Bizkai), gaur, atxilotutako lagunarekin. ©EITB

Espainiako Poliziak gutxienez lagun bat atxilotu du Gernikan, «jihadismoa doktrinatzea» egotzita

Paulo Ostolaza

Auzitegi Nazionalak eman du atxiloketa agindua. Atxilotua aspaldidanik bizi zen Errenteria auzoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.