'Rafiki' eta 'Ni d'Eve ni d'Adam' saritu dituzte Zinegoak jaialdian

'Retablo'-k eta 'The Man Who Surprised Everyone' film luzeek fikziozko lanik onenaren saria jaso dute, 'ex aequo'

Erredakzioa -

2019ko martxoak 3

Wainuri Kahiuk zuzendutako Rafiki ekoizpen kenyarrak eta Floriane Devigneren Ni d'Eve ni d'Adam, Une historie intersexe frantziarrak irabazi dituzte DOK saileko sari nagusiak 16. Zinegoak jaialdian, Gay-Lesbo-Trans Zinemaren eta Arte Eszenikoen Bilboko Jaialdi Nazioartekoan. Azken horrek intersexualitatearen gaia lantzen du, eta Aniztasun eta Giza Eskubideen Sari Nagusia ere lortu du..

Rafiki-k, berriz, Zuzendaritza Onenaren Sariaz gain, Lesbianismo eta Generoaren Saria ere eskuratu du. Wanuhi Kahiu zuzendari eta gidoilaria ez zen izan, atzo gauean, Bilboko Elkarte Filarmonikoan eginiko sariak emateko ekitaldian, baina gutun baten bitartez eskertu zituen sariak, eta jakinarazi zuen horiei dagokien dirua «denontzako giza eskubide hobeak lortzeko borrokara» bideratuko dituela.

Fikziozko lanik onenaren saria, ex aequo, Alvaro Delgado-Apariciok zuzendutako Retablo-k eta Natasha Merkulova eta Eleksey Chupoven The Man Who Surprised Everyone-k jaso zituzten. Epaimahaiak azpimarratu duenez, «biek oso eszena zainduak dauzkate, eta oso modu zehatzean islatzen dituzte teorian atseginak diren munduak. Baina mundu horrek bortizkeria gordina eta latza ezkutatzen du, eta protagonistek LGTB kolektibotik harago doazen gatazkari eta muga guztiei aurre egin behar diete».

Fikziozko atal horretan bertan, Yen Taneren 1985 lanak irabazi du gidoirik onenaren saria.

KRAK sailari dagokionez, pelikula onenaren saria Bertrand Manricoren Les garçons sauvages-ek eta Avengelia Kraniotiren Obscuro barroco-k jaso dute, ex aequo.

Euskal Aktoreen Batasunak, berriz, Felix Maritaudi eman dio aktorerik onenaren saria, Sauvage lanagatik, eta taldeko antzezpenik onenarena Natalia Kudryashovarentzat izan da (The Man Who Surprised Everyone).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jon Insaust, Josemi Beltran eta Patxi Presa, gaur goizean, Donostiako Viktoria Eugenia antzokian. ©Idoia Zabaleta / Foku

Ostiralean abiatuko da Fantasiazko eta Beldurrezko Zinemaren 31. Astea

Itziar Ugarte Irizar

Azaroaren 6ra bitarte, 50 proiekzio inguru izango dira: generoko urteko ale nabarmenetako batzuk, klasikoak eta baita beste zenbait jarduera ere. Jaialdiaren egoitza nagusiak Antzoki Zaharra eta Viktoria Eugenia izango dira.

Virginia Woolf idazle ingelesa; jardun betean zegoen 1920. urterako, baina bide oparoago baten atarian oraindik. ©BERRIA

«Negu sasoiko lehen eguna»

Joannes Jauregi

Idazle baten egunerokorik ezagun eta oparoenetako bat izango da Virginia Woolfena, ia bizi osoa eman baitzuen osatzen. Gaur duela ehun urte, astelehenarekin, Woolfek 38 urte zituen; idazle argitaratua zen, baina artean onenak eman gabea. Eta sarrera bat egin zuen egunerokoan.

 ©JON URBE / FOKU

«Tentsioa dakarten lanak falta dira»

Itziar Ugarte Irizar

Formatu bikoitzeko lan batekin itzuli da: 'Unisonoa', lerro bateko poesia liburua eta hamabi soinu pieza. Lengoaia behatzeko eta entzuteko denboratzat du idazketa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna