Albistea entzun

Ordezkaritza zabala elkartuko da espetxe politika berri baten alde

Iosu Alberdi -

2021eko urriak 23

Ordezkaritza politiko eta sindikal zabala izango da gaur arratsaldean Donostian. Sarek antolatuta, egungo espetxe politika «bertan behera» uzteko eskatuko dute EAJk, EH Bilduk, Ahal Dugu-k eta ELA, LAB, UGT, STEILAS, ESK, EHNE, Etxalde, Hiru, CNT eta CGT sindikatuek. Haiekin batera izango dira Kataluniako prozesu subiranistaren aurkako epaiketen ondorioz preso egon diren Dolors Bassa, Carme Forcadell, Oriol Junqueras, Raul Romeva eta Josep Rull ere.

LABek «aktibazio soziala hauspotu eta ezberdinen arteko akordio zabalak» sustatzeko konpromisoa adierazi zuen atzo, gaur 17:00etan Antiguako tunelean (Donostia) elkartzeko deia egitearekin batera.

Sindikatuaren hitzetan, lau dira gatazkaren konponbidera bidean eman beharreko pauso nagusiak: «biktima guztien aitortza eta erreparazioa sustatzea», «gatazka politikoari irtenbide demokratikoa ematea», «tortura kasuak eta giza eskubideen urraketak argitzea» eta «preso, iheslari eta deportatuak etxerako bidean jartzea». Presoen auziari dagokionez, gehitu zuen «salbuespen neurriak alde batera uzteko beharra» dagoela. Izan ere, LABen arabera, azken hilabeteetan urratsak egin diren arren, «eskubideen urraketak» indarrean daude oraindik.

Bide «errestauratiboa»

CCOOk ez du izango ordezkaritzarik Donostiako mobilizazioan. Sindikatuak, baina, euskal presoei eskaera bat egiteko baliatu zuen testuingurua, atzo. «Birgizarteratze errestauratiboa» helburu, Langraiz bidea hartu eta gaur egun hirugarren graduan daudenen ereduari jarraitzeko eskatu zien; hau da, euren «ibilbideaz autokritika egiteko» eta «biktimekiko enpatia sendagarri bat» izateko.

CCOOren arabera, prozesu horrek biktimen mina arinduko luke, eta eraikitzailea izango litzateke euskal gizartearen elkarbizitzarako: «Bide hori zintzotasunez jorratzeko, gakoa da ETAko presoen inguru politiko eta sozialaren rola, gomendagarria izango bailitzateke eginiko min bidegabea aitortzeko beharrezko enpatia sustatzea».

Era berean, presoen egoerak azken urteetan izaniko aldaketa «esanguratsuak» nabarmendu zituen; esaterako, haien senideek jasaten zuten «merezi gabeko karga» arindu izana.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joan den urrian euskal presoen eskubideen alde Donostian egindako manifestazioa. ©JON URBE / FOKU

Bertze bortz euskal preso Euskal Herriratuko dituzte

Maddi Ane Txoperena Iribarren

Lexuri Gallastegi, Zigor Blanco, Gorka Lupiañez, Jose Maria Novoa eta Ion Troitiño dira Euskal Herrira ekarriko dituzten euskal presoak. Eusko Jaurlaritzak zehaztu beharko du zein kartzelatara mugitzen dituzten.

Durangoko Jesuiten eliza, bonbardatu zuten egunean. ©GEREDIAGA ELKARTEA

Memoriak galdu zituen paperak

Jone Arruabarrena

Durangoko bonbardaketaren ondoren, 84 hildako sartu zituzten bi hobi komunetan. Handik egun batzuetara, lurperatuen zerrenda desagertu zen. Hildakoen senideen bila dabiltza orain.

Anjel Lekuona —eserita—, 1940 inguruan, hiru kiderekin. ©ANTON GANDARIAS

Naziek erretako osabaren errautsak

Javi West Larrañaga

Anjel Lekuonaren bideari segitu dio iloba batek; 36ko gerrako jazarpenetik ihesi, Espainiako errepublikaren alde aritu zen Katalunian, eta nazien aurka Frantzian. Haren errautsak Pragan azaldu dira, hilerri batean.
Asier Guridiren askatasuna eskatzek 2013an egindako elkarretaratze at ©Marisol Ramirez / Foku

Asier Guridik baieztatu du errefuxiatu estatusa lortu duela

Berria

Venezuelan dagoen euskal iheslariak gose greba abiatu zuela jakinarazi zuen abenduaren 3an, eta Caracasko Espainiako kontsulatuaren aitzinean plantatu zen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.