Albistea entzun

Kamerun ipar-mendebaldeko eskola batean 81 ikasle bahitu dituzte

Erredakzioa -

2018ko azaroak 6

Kamerungo bigarren hezkuntzako eskola batean 81 lagun bahitu zituzten igandetik astelehenerako gauean, 79 ikasle eta bi irakasle. Nkwen komunitatean izan zen bahiketa, Bamendan. Kamerungo ipar-mendebaldeko eskualde horretan ingeles hiztunak gehiengo dira, eta, antza, eskualdearen independentzia aldarrikatzen duten talde armatuak izan dira bahiketaren erantzuleak. Deben Tchoffo gobernadoreak zehaztu du bideo bat zabaldu dutela sarean, bahitutako haurrak euren gurasoen izenak esaten.

Kamerun Erresuma Batuko eta Frantziako kolonia izan zen 1960. urtera arte. Orduan estatu federal bat osatu zen, 1972an, erreferendum bidez, batu zen arte. Kamerunen ingelesa eta frantsesa dira ofizialak, bertako beste 250 hizkuntzekin batera, baina ingeles hiztunak alor guztietan baztertuta daude, bereziki nagusi diren bi eskualdeetan: Northwesten eta Southwesten. Kamerungo 24 milioi biztanleetatik %20 dira ingeles hiztunak.

Azken urteetan egoerak okerrera egin du. 2016an manifestazioak eta grebak egiteari ekin zieten independentistek, euren aldarrikapenak entzunarazteko, eta gobernuaren erantzuna errepresioa izan zen. 2017ko urtarrilean buruzagi ugari atxilotu zituzten, eta horren ostean sortu zen independentzia borroka armatuaren bidez aldarrikatzen duen mugimendua. 2017ko urriaren 1ean independentzia aldarrikatu zuten: Ambazoniako estatua. Egoera are gehiago gaiztotu da orduz geroztik. Hainbat gobernuz kanpoko erakunderen arabera, 3.000 zibil hil dira talde armatuen eta armadaren arteko borroken ondorioz. Amnesty Internationalentzat, 400 dira hildako zibilak.

Hauteskundeak

Paul Biya presidenteak, berriz, gaur hartuko du presidente kargua urriaren 7ko bozetan nagusitu ostean. Biya 1982tik dago agintean, eta iruzur egiteaz akusatu dute. Atzo, Maurice Kamto oposizioko hautagaiaren 38 jarraitzaile atxilotu zituzten Yaunden.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Emakume afganiar bat eskean, soldadu taliban bat aurrean duela, Kabulen. ©STR / EFE

Baztertuetan baztertuenak

Arantxa Elizegi Egilegor

Talibanak agintera heldu zirenetik, Afganistango ekonomia hondoratu egin da, eta giza krisia okerragotu. Testuinguru horretan, emakumeak dira eskubide urraketa gehien jasan dituztenak
 ©BERRIA

«Erregimenak gerra deklaratu die neska gazteei»

A. Elizegi Egilegor

Boterearen truke «herrialdea saldu» izana egotzi die Durranik talibanei. Haren iritziz, baina, prozesu horretan pisu handia izan du AEBen jarrerak, haiek erraztu zietelako agintea lortzea.
Castillo Peruko Fiskaltzaren egoitza nagusitik ateratzen, iragan astean, Liman. ©PAOLO AGUILAR / EFE

Fiskaltzak estu hartutako presidentea

Zuriñe Iglesias Sarasola

Pedro Castillo Peruko estatuburuaren aurka sei ikerketa ireki dituzte. Besteak beste, influentzia trafikoa eta herri lan batzuen lehiaketetan iruzur egitea egotzi diote agintariari
Atleta transexualen aldeko elkarretaratze bat, ekainean, Washingtonen. ©JORGE DASTIS / EFE

Adingabe transexualen eskubideak bermatzeko bidea hasi du Kaliforniak

Lide Iraola Arantxa Elizegi Egilegor

Arauak babesa eskaintzen die beren estatuetan tratamendurik jaso ezin duten adingabeei. Ordezkarien Ganberaren onespena behar du orain

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...