Albistea entzun

Urriaren 21etik 23ra Marieniako lurrak okupatzera deitu dute

Kanpaldia antolatuko dute Kanbon laborantza lurren salmenta salatzeko. Ipar Euskal Herriko borroken topagune izatea nahi dute

Ekhi Erremundegi Beloki -

2022ko urriak 6 - Kanbo

Auzitegietan eta lurretan. Bietan borrokatu nahi dute Kanboko (Lapurdi) Marieniako laborantza lurrak salbatzeko. Hala iragarri dute azken hilabeteetan eremu horren salmenta espekulatiboa salatzeko bildu diren eragileek. Kanpaldi bat antolatuko dute heldu den urriaren 21etik 23ra, «mobilizatzeko eta informatzeko», baina Ipar Euskal Herrian abian diren borroka ezberdinen topagune izatea ere nahiko lukete: «Elkarren artean antolatzeko aukera».

Prentsaurrekoa egin zuten atzo goizean, Kanbon, aferaren azken berriak emateko. Marieniako lurrak eraikigarri bilakatu zituen hirigintza planari helegitea jarri zioten 2019an Lurzaindiak, Nahi Dugun Herria Kanboko talde politiko abertzaleak eta ingurumenaren defentsarako CADE elkarteak. Aurtengo uztailean jaso dute erantzuna: Paueko Administrazio Auzitegiaren arabera, lur horien laborantza balioa ez da frogatua. Maryse Cachenault Lurzaindiko eledunak erabakia gaitzetsi zuen atzo. «Gaur egun, lur horietarik elikatzen diren ardiek Ossau-Iraty sor-markako izendapena duen esnea ematen dute», ohartarazi zuen. Horrez gain, Ezpeletako piperra eta Itsasuko gereziak ekoizteko lur egokiak direla frogatzeko asmoa ere agertu zuen, auzitegiak hori ere ukatu baitu. Bi sor-marketako elkarteengana joko dute horretarako. «Hamar urteko haur batek ikus lezake lur hauek laborantzarako interesa dutela. Edozein laborarik pozik hartuko lituzke».

Oroitarazi zuen joan den astean Donibane Lohizunen (Lapurdi) sei hektareako lurrak berreskuratzea lortu zutela, bederatzi urteko borrokaren ondotik. «Arrazoi dugu. Ez dugu laxatuko», adierazi zuen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.