Albistea entzun

Eusko Legebiltzarrerako hauteskundeak. ZIRRI-ZARRA

Trajeak

Castillo Suarez - Idazlea

2016ko irailak 17

Barkosen kanpaina Nafarroako lehendakaritza eskuratzeko oso ona izan zen. Bikaina. Presidentegaia traje ilun batekin ageri zen, atorra zuri batekin, mahai batean bermatuta, jada karguan egongo balitz bezala. Hondoa zuria zen eta bera bakarrik ageri zen. Lema ere oso ona zen: Uxue Barkos Nafarroako presidentea. Eta ez zen hutsala: presidentea zen eta ez lehendakaria, abertzale zein ez-abertzaleen lehendakari abertzalea izan nahi zuela adierazi baitzuen kanpaina hartan. Esan eta lortu. Inork ez zekien nor zen bigarrena edo hirugarrena zerrenda horretan. Bigarren mailakoak izan ziren gainerako hautagaiak. Kontua zen Barkos lehendakaritzara iristea. Eta iritsi zen. Eta ez du, nik dakidala, traje urdin hura berriz jarri. Itxura informalagoa erakutsi du beti.

Antzeko kanpaina egiten ari da Iñigo Urkullu. Mitinetarako oihaletan Urkullu lehendakari lema ageri da. Urkullu jarduneko lehendakaria da, ordea. Ez dugu lehendakari gisa irudikatu beharrik. Hamaika aldiz ikusi dugu trajea jarrita. Serio eta batzuetan zurrun(egi). Horregatik hautatu dute trajerik gabeko argazki bat, nik uste. Hurbilagokoa izateko. Hurbilagokoa izaten saiatzeko. Gorbata, baina, ez du kendu. Informalegia litzateke. Podemosekoak ibiltzen dira gorbatarik gabe. Eta Arnaldo Otegi. Trajerik gabe ere agertzen da hauteskundeetako afixan, atorra hutsetan eta mahukak bilduta, Eraiki Euskadi lemaren pean. Lanean hasi behar dugunean jasotzen ditugu mahukak. Zerbait eraiki behar dugunean.

Formak ez dira inoiz hutsalak. Eta Urkulluren atorra zuri, on eta ongi lisatuak ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baionako auzitegia okupatu dute Bakegileek

Baionako auzitegitik kanporatu dituzte Bakegileak

Oihana Teyseyre Koskarat - Ekhi Erremundegi Beloki

Desobedientzia ekintza egin dute Bakegileek, Baionako auzitegirako sarbidea oztopatuz. Jakes Esnal eta Ion Kepa Parot euskal presoak baldintzapean aske uzteko galdea aztertu dute Parisen, baina enegarren aldiz kontrako jarrera erakutsi du terrorismoaren kontrako fiskaltzak.

Haimar Altuna Sortuko kidea, Galder Barbado gaztea eta Ainize Gastaka Martinez abokatua, gaur, Sorturen Donostiako egoitzan. ©Maialen Andres / FOKU

Galder Barbadok salatu du Guardia Zibilak kolaborazio eskaerak egin dizkiola

Maddi Ane Txoperena Iribarren

Azken aste eta hilabeteotan jazarpena jasan duela ohartarazi du Amurrioko gazteak. Sorturen arabera, «profil ezberdinetako» bertze lau lagunek gutienez ere jasan dute jazarpena: publikoki salatzeko deia egin diete.

Jaime Tapia espetxe-arloko aholkularia, Artolazabalekin eta Araba, Bizkai eta Gipuzkoako espetxeetako zuzendariekin. ©IDOIA ZABALETA/FOKU

Euskal Herriko lehen amatasun unitatea aurkeztu dute Martuteneko espetxean

Jone Arruabarrena

Beatriz Artolazabalek gezurtatu egin du dimisioak egon izana. Adierazi du funtzionarioen lekualdatzeak direla-eta zazpi lanpostu hutsik daudela, baina horiek betetzeko lanetan dabiltzala.

Euskal presoen gradu inboluzioen aurka egindako protesta bat, joan den otsailean, Getxon. ©Monika del Valle / FOKU

Hirugarren graduan jarri dute Iñaki Bilbao Gaubeka euskal presoa

Maddi Ane Txoperena Iribarren

Basauriko kartzelan dago gaur egun. Tratamendu batzordeak proposatu eta Eusko Jaurlaritzak onartu du gradu aldaketa. 1998tik dago preso, eta 25 urteko espetxe zigorra ezarri zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...