Albistea entzun

Donostiako 83. Musika Hamabostaldia. KRITIKA. Musika

Gardinerren heriotza garbiak

John Eliot Gardiner (erdian), herenegun, Kursaalean.
John Eliot Gardiner (erdian), herenegun, Kursaalean. JAVIER ETXEZARRETA / EFE Tamaina handiagoan ikusi

Marta Garcia -

2022ko abuztuak 4

Monteverdi Choir eta English Baroque Soloists

Zuzendaria: John Eliot Gardiner. Egitaraua: H. Schutzen Musikalische Exequien, G. Carissimiren Historia di Jephte eta D. Scarlattiren Stabat Mater. Lekua: Donostiako Kursaal auditoriuma. Eguna: Abuztuak 2.

Duela sei urteko Musika Hamabostaldian, John Eliot Gardinerrek eta bere bi erreferentziazko taldeek J. S. Bachen Mateoren araberako Pasioa gogoangarri bat eskaini zuten Kursaalean. Aurtengo irekiera kontzertuan, programa berezia osatu dute, barnekoia, heriotzaren samina eta oinazeak gogora ekartzen dituena.

Dresden, 1635. urtea. Hogeita Hamar Urteko Gerrak gosea, izurritea eta heriotza Europan zehar zabaltzen dituen bitartean, batez ere Germaniako Erromatar Inperio Santuan, Heinrich Schutzek Reuss-Gerako kondearen hiletarako musika konposatzeko enkargua jaso du. Monteverdi abesbatzak ur lasaien gardentasunaz blaitu zituen Musikalische Exequien obraren hiru zatiak. Azkena, «Herr, nun lässest du deinen Diener in Friede fahren» berebizikoa izan zen; hiru serafinak, taulatik kanpo, ondorengo bizitzaren oihartzunean hilen zoriontasunaz mintzo, eta abesbatza nagusiaren ahotsetan argitasuna promes eta zantzu.

Giacomo Carissimiren obra ugari galdu egin dira. Veneziako San Markos katedralean Monteverdiren oinordekoa izateko eskaintza jaso zuen, besteak beste, baina Erromako bere parrokia txikian geratzea nahiago izan zuen. Bertan idatzi zuen Historia di Jephte oratorioa, 1650 aldera. Txikitan abeslari izanik, ahots-musikan eredu izan behar luketen obrak ditu errepertorioan. Hala bihurtu zuen Gardinerrek, keinu neurritsu eta dotoreaz, bakarlari aukeraketa apartarekin. Jephteren alabaren rolean, Charlotte La Thropek modu hunkigarrian haragiztatu zituen bere heriotzaren onarpena eta mendietan hedatzen duen aienea.

1960ko hamarkadan sortu zirenetik, Monteverdi abesbatzak eta English Baroque Soloists taldeak soinu eta kolore propioa findu dute, berezkoa eta identifikagarria. Domenico Scarlattiren Stabat Mater horren adierazgarri izan zen. Hamar ahotsak bitara, abeslariak batera eta bakarlari; denak garbi, zoriari ez baitzaio zirrikitu ñimiñoena ere irekitzen.

Heriotza erritu solemneak sustatzen dituen gertakari mingarria da, eta, hala ere, geratzen denaren argia bilatzeko aukera ezin galdu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bazka musika taldeko kideak: ezkerretik eskuinera, Erik Berganza baxu jotzailea, Fer Apoa abeslaria, Hogei Esteban gitarrista, Txomin Urriza gitarrista eta Galder Izagirre bateria jotzailea. ©GALDER IZAGIRRE

Bederatzi dantza, baso ilunean

Miren Mujika Telleria

Bazka taldeak lehen diskoa ondu du: 'Basoaren ilunean dantza'. Poesia egin dute bederatzi doinu bortitzen gainean, eta horien bidez adierazi dituzte gaur egungo gizarteak eragindako zenbait zauri
Atzo arratsaldean egin zuten opera antzeztuaren entsegua. Irudian, entsegatzen. ©ANDONI CANELLADA/ FOKU

Euskal erako Donizetti bat

Leire Perlines Apalategi

Gaetano Donizettiren 'La Fille du Régiment' egokitu bat taularatuko dute bihar Kursaalean. Elena Sancho-Pereg eta Xabier Anduaga lehen aldiz ariko dira elkarrekin oholtzan
Carmen Alba, Joaquin Calderon eta Paz Fernandez, atzo, Iruñean. ©IÑIGO URIZ / FOKU

55 film lehiatuko dira NIFF Nafarroako zinema jaialdiaren 4. aldian

Itsaso Jauregi

Datorren astean izango da festibala, abuztuaren 17tik 20ra. Antzerki Eskolan, Kondestablearen jauregian eta katedralean emango dituzte filmak
Miren Iriarte, artxiboko irudi batean. ©Gorka Rubio / Foku

Miren Iriarte itzultzailea hil da

Ainhoa Sarasola

Elena Ferranteri eta Fleur Jaeggyri lan bana ekarri zien euskarara, baita euskarazko hainbat lanen gaztelerazko itzulpenak eman ere. Senide eta lagunek gaur eman diote azken agurra, Iruñeko hilerrian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...