Noiz sortua: 2019-01-04 00:30:00

Osakidetzako Giza Baliabideetako zuzendariak ere kargua utziko du

2017an hasi zen postuan Juan Carlos Soto. Oposizioetako filtrazioen auzia kudeatzen jardun da, Mujika zuzendari ohiarekin batera
Juan Carlos Soto, Maria Jesus Mujikaren alboan, irailean egindako agerraldi batean.
Juan Carlos Soto, Maria Jesus Mujikaren alboan, irailean egindako agerraldi batean. JAIZKI FONTANEDA / FOKU Tamaina handiagoan ikusi

Maite Asensio Lozano -

2019ko urtarrilak 4

Osakidetzako Giza Baliabideetako zuzendari kargua utziko du Juan Carlos Sotok datozen egunotan. Atzo iluntzean eman zuen albistea eldiarionorte.es atariak, eta hainbat hedabidek zabaldu zuten, baina ez dago argi zergatik utziko duen postua, eta dimisioa emango duen ala Eusko Jaurlaritzak kargutik kenduko duen. Osakidetzako lan eskaintza publikoko (LEP) azterketetan atzemandako filtrazioen ingurumarian kargua utziko duen bigarren arduradun politikoa da Soto; azaroan Maria Jesus Mujika Osakidetzako zuzendariak dimititu zuen.

2017ko abuztuan hartu zuen Sotok Giza Baliabideetako zuzendari postua —2006tik 2009ra zuzendariorde izana zen—, Jose Maria Armentiaren ordez. Karguan urte eta erdi egin ostean utziko du, oposizioetako iruzurrak kalte eginda. Filtrazioen inguruko krisia kudeatzen aritu da, jendaurrean zein Osakidetza barruan; duela bi hilabetera arte, Mujikaren alboan. Hedabide batzuen arabera, gainera, lan eskaintza publikoetako irregulartasunen berri izan zuen Sotok, auzia jakinarazi aurretik. Horren harira, haren dimisioa galdegin izan dute oposizioko talde politikoek.

Ekainetik, ekaitz betean

Osakidetzan egindako LEP handiena izan zen iazkoa, baina polemikak inguratuta egon da ekainetik. Anestesia espezialitateko azterketarekin lehertu zen: proba egin baino lehen, notarioarenera jo zuten hautagai batzuek, eta idatzita utzi zuten nortzuek gaindituko zuten etsamina; asmatu egin zuten. Mediku espezialisten beste arlo batzuetara ere zabaldu ziren susmoak —notetan agertutako alde handiak hauspotuta, besteak beste—, eta Osakidetzako langile batzuen testigantzek berretsi zuten halako filtrazioak «ohikoak» izan direla urteetan.

Sindikatuek hemeretzi kategoriatan atzeman zituzten filtrazioak edo irregulartasun zantzuak, baina Osakidetzaren barne ikerketak zortzi diziplinari baino ez zien erreparatu. Hiru espezialitatetako azterketak berriz egin behar zirela ebatzi zuen: Kardiologia, Angiologia eta Kirurgia Baskularra, eta Anestesia. Dena den, azken azterketa hori bertan behera utzia du Gasteizko Administrazioarekiko Auzietako 3. zenbakiko Epaitegiak behin-behinean: filtrazioen inguruko auzia epaitegietan argitu arte probarik ez errepikatzea erabaki du —espero izatekoa da gainerako etsaminak ere etengo dituztela—. Fiskaltzak martxan du auziari buruzko ikerketa —zortzi espezialitatetako prozesuak aztertzen ari da—, baina luze joko du instrukzioak: gutxienez, udara arte. Arartekoak ere txostena ireki zuen; urtarrilean aurkeztuko ditu ondorioak.

Eremu politikora ere zabaldu da ekaitza, baina mezu kontrajarriak igorri izan ditu Jon Darpon Osasun sailburuak. Uztailean, Osakidetzaren barne ikerketak ondorioztatu zuen ez zegoela «ardura indibidualik egozteko frogarik», eta hori sutsuki defendatu du kontseilariak; azaroan, berriz, dimisioa eman zuen Mujikak, eta, handik astebetera, lekuko gisa deklaratzera deitu zuen fiskalak.

2019an, aldaketak

Kudeaketari lotutako soslai bat hautatu zuten Mujikaren ordezko: Juan Diego Casalsi egokitu zaio krisia bideratzea. LEPa kudeatu zuen taldean egin ditu lehen aldaketak, baina harago doa sindikatuen eta alderdi batzuen eskaera: oposizioen eredua irauli nahi dute. Darponek aitortua du aldaketa batzuk egin behar direla; 2019ko lehen hiruhilekoan aurkeztuko du «eredu berria», baina 2020ko lan eskaintzara arte ez dute martxan jarriko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Abian da itxialdiaren bigarren arindua

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz jarraituko dutela ikasleen eta irakasleen eskolarako itzulera segurtasunez egitea, eta hala ez balitz mobilizazioak deituko dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste zortzi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste zortzi kasu atzeman dituzte Araba, Bizkai eta Gipuzkoan, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna