Albistea entzun

PSE-EEk «sozialisten norabidea» ezarri nahi du «pizkundearen garaian»

Anduezaren ustez, sozialisten ekarpena Jaurlaritzan haien esku dauden hiru sailetatik «harago» doa. Estatus berria ez du «lehentasuntzat» jo
Eneko Andueza, atzo, Bilbon.
Eneko Andueza, atzo, Bilbon. MARISOL RAMIREZ / FOKU Tamaina handiagoan ikusi

Gotzon Hermosilla -

2021eko abenduak 30

Urtea bukatzearekin batera, haren balantzea eta egoera politikoaren azterketa egin du Eneko Andueza PSE-EEren idazkari nagusiak. Baikor agertu da: esan duenez, «tunelaren amaieran argia» ikusten hasiak dira, enplegua pandemiaren aurreko mailetara iristen ari da, kontsumoa berpiztu da, eta Europatik etortzekoak diren diru funtsak heltzen hasi dira. Horretan sozialisten eragina ikusten du Anduezak: «Frogatu dugu gauden tokietan gure aztarna uzten dugula», esan du, eta erantsi du orain datorren «pizkunde garaian» ere lan egingo dutela hala izan dadin.

Eusko Jaurlaritzaren jardueran ere «norabide sozialista» hori nabaria dela uste du Anduezak: «Sozialisten ekarpena gure esku dauden hiru sailetatik harago doa». 2022ko aurrekontuak aipatu ditu horren adibide gisa: «Aurrekontuak inoizko sozialenak dira; hamar eurotik zortzi gastu sozialera bideratuta daude, eta hor ere sozialisten norabidea dago».

Bestelako gaiak ere jorratu ditu Anduezak. Espainiako Kongresuan tramitatuko den Lan Erreformari dagokionez, esan du lortutako akordioa «oso ona» dela, eta esperantza agertu du, Kongresutik aterako den erreforma «Espainiarentzat eta Euskadirentzat onuragarria» izango delakoan.

Arabarako, Bizkairako eta Gipuzkoarako estatus berriaren inguruko eztabaidaz, berriz, Anduezak esan du sozialistentzat hori ez dela «lehentasuna»: «Beti dago Autogobernu Batzordea berriro abian jartzeko aukera, eta, talderen batek Eusko Legebiltzarrean horren inguruko legez besteko proposamen bat egiten badu, sozialistok arduraz jokatu eta parte hartuko dugu, baina guretzat orain hori ez da lehentasuna».

«Erantzukizun pertsonala»

Pandemiaren kontrako borrokari dagokionez, Anduezak defendatu egin ditu Jaurlaritzak oraindik orain harturiko neurriak, eta esan du «proportzionaltasunez» hartu direla. Edonola ere, herritarren ardurari dei egin dio: «Pandemiaren kontra ditugun tresnarik eraginkorrenak txertatzea eta erantzukizun pertsonala dira. Ezin gara beti gobernuari edo administrazioari begira egon; norberak erantzukizunez jokatu behar du».

Anduezak iragarri du bere alderdiak bilera sorta bat egingo duela urtarrilean zenbait eragilerekin, «gizarteari termometroa jartzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.