Albistea entzun

Gipuzkoak eta Bizkaiak inoizko aurrekontu handienak aurkeztu dituzte

Azaroaren 15ean emango dute Arabakoen berri, baina Ramiro Gonzalez ahaldun nagusiak aurreratu du aurreko «markak» hobetuko dituztela
Unai Rementeria Bizkaiko ahaldun nagusia eta Jose Maria Iruarrizaga Ogasun diputatua aurrekontuen aurkezpen ekitaldian, atzo.
Unai Rementeria Bizkaiko ahaldun nagusia eta Jose Maria Iruarrizaga Ogasun diputatua aurrekontuen aurkezpen ekitaldian, atzo. BIZKAIKO ALDUNDIA Tamaina handiagoan ikusi

Imanol Magro Eizmendi -

2021eko urriak 30 - Bilbo

Bizkaiko eta Gipuzkoako foru aldundiek inoiz baino diru gehiago izango dute eskura 2022an. Bi erakundeek atzo aurkeztu zituzten hurrengo urterako aurrekontu proposamenak, eta inoizko handienak dira. Bizkaiko Aldundiak 8.886,1 milioi euro biltzea espero du, aurten baino 915 milioi gehiago. Horietatik 1.459,8 milioi euro egongo dira sailen esku, iaz baino %7,3 gehiago. Gipuzkoako Aldundiak, berriz, 5.620 milioi euro biltzea espero du, baina «aurrekontu propioa» deritzona 1.042 milioi eurokoa izango da, aurten baino 59 milioi euro gehiago —%7 handiagoa—. Araban ere hala gertatuko da. Azaroaren 15ean emango dute haien berri, baina Ramiro Gonzalez ahaldun nagusiak dagoeneko aurreratu du aurreko urteetako «marka» hobetuko dutela.

Bi aldundiek atzo hasi zuten aurrekontuen onarpenerako tramitea, eta, ezusteko handirik ezean, urte amaitu aurretik onartuko dituzte batzar nagusietan. Hurrengo asteetan hasiko da sail bakoitzeko entresakak azaltzeko prozesua, eta eztabaidan bi hilabetez aritzea espero da. Bizkaikoaren kasuan asteartean hasiko da herritarrek proposamen formalak egiteko duten epea eta azaroaren 12ra arte iraungo du.

«Susperraldirako» kontuak

Bi aldundiek nabarmendu dute pandemia osteko aroak baldintzaturiko aurrekontuak direla hurrengo urtekoak. Bizkaikoak «susperraldia bultzatzeko diseinatuta» daudela azaldu du Unai Rementeria ahaldun nagusiak, eta «enpleguari laguntzeko eta lurraldeak behar dituen trantsizioei» ekiteko erabiliko dituztela.

Euskara eta Kultura Sailak handituko du gehien aurrekontua: %26,5 gehiago jasoko du —49 milioi eurotik 62ra igaroko da—. Ohi denez, Gizarte Ekintza izango da diru gehien mugituko duen saila: 599 milioi euro, %2,5 gehiago.

Gipuzkoan ere Gizarte Politikek izango dute baliabide ekonomiko gehien: 454 milioi euro, aurten baino %8,68 gehiago. Era berean, gehien haziko dena, alde handiz gainera, Ingurumena eta Obra hidraulikoena izango da. 34 milioi jasoko ditu, aurten baino %19,8 gehiago.

Markel Olano ahaldun nagusiak gorako joera mantentzea espero du, eta 2023an berriz ere aurreko urteko kopurua hobetzea. Era berean, zehaztu du egitasmo jakin batzuek bultzada berezia izango dutela. Adibidez, Mubil zentroak 22,2 milioi euro jasoko ditu, eta Adinberrik, zazpi milioi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAk hauteskunde sindikaletarako prestatu duen kanpainaren aurzkezpena. ©Berria

Sindikatuek ordezkarien erdiak izango dituzte jokoan hurrengo hilabeteetan

Imanol Magro Eizmendi

ELAk %36ko ordezkaritza du Hego Euskal Herrian, eta kopuru hori hobetzeko asmoz aurkeztuko da hauteskunde sindikaletara. Ordezkarien %47 berrituko dira urritik ekainera arteko tartean.

Nord Stream 1 gasbidea, Alemanian sartzen den puntuetak batean ©STEFAN SAUER (Efe)

Berlinek eta Moskuk «sabotajetzat» jo dituzte Nord Streameko isuriak

Jokin Sagarzazu

Gertakariak ez du eraginik izango Europarako gas horniduran, gaur egun bi gasbideak zerbitzuz kanpo baitaude. Zer gertatu den ikertzen ari dira.

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...