Albistea entzun

COP26

Arrisku handiena duten estatuek «berehalako» ekintzak eskatu dituzte

Ghanako Ingurumen ministroak salatu du herrialdeen arteko negoziazioak urrun daudela jendaurrean erakutsitako anbizio mailatik
Manifestazio bat, joan den larunbatean, Amsterdamen.
Manifestazio bat, joan den larunbatean, Amsterdamen. EVERT ELZINGA / EFE Tamaina handiagoan ikusi

Gorka Berasategi Otamendi -

2021eko azaroak 9

Klima larrialdiak eragingo dituen kalteak aztertzen ekin zioten atzo bigarren asteari, Nazio Batuen Erakundearen COP26 klima aldaketari buruzko goi bileran, Glasgown (Eskozia). Lurraren berotzearen ondorioei dagokienez, herrialde pobretuenek jo zuten alerta, eta ez da harritzekoa, horiek baitira estaturik zaurgarrienak, ondoriorik latzenak jasaten hasiak direnak. Horregatik, herrialde aberatsenei eskatu zieten bete dezatela «berehala» 2009an hartu zuten konpromisoa: 2020rako urteko 85.000 milioi euro bideratzea herrialde pobretuenetara, horiek klima aldaketara egokitu eta kalteei aurre egiteko presta daitezen.

Kwaku Afriyie Ghanako Ingurumen ministroaren esanetan, estatuen arteko negoziazioek ez dute islatzen herrialde aberatsetako agintariek jendaurrean erakutsi duten anbizioa. «Oso zorigaiztokoa eta tristea da benetan».

Arrisku handiena duten estatuen egokitzapen planek ezinbestekoa dute herrialde industrializatuenen ekarpena. Horregatik, «konpromisoetatik ekintzetara» pasatzeko eskatu die Kongoko Errepublika Demokratikoko Gobernuak herrialde aberatsetako agintariei. «Hemen estatu batzuk daude egoera honen arduradun direnak eta ordaindu behar dutenak», esan du Patrick Muyaya gobernuko bozeramaileak.

Herrialde aberatsenek hitzeman dute beranduenez 2023rako beteko dutela 2009an Kopenhageko goi bileran egin zuten promesa. Eztabaida korapilatsuagoa espero da emisio historikoei buruz. Ez dago irizpide adosturik herrialde industrializatuenek garabidean daudenei zer ordain eman beharko dieten neurtzeko, eta ez dute konpromiso zehatzik iragarri oraindik.

Obama Glasgown

Barack Obama AEBetako presidente ohiak kameren arreta bereganatu zuen COP26ra iritsi bezain laster. Klima larrialdiaren aurrean zaurgarrienak diren herrialdeak izan zituen gogoan; uharteak, bereziki: «Ni ere uharteko semea naiz [Hawaiin jaio zen]». Herrialde pobretuentzako laguntza handitzearen alde mintzatu zen: «Herrialde aberatsetan bizi garenok zama gehigarri bat dugu arduradunak ez diren herrialdeak eta ahal apalagoa dutenak laguntzen ari garela ziurtatzeko».

Obamak gazteei ohartarazi zien agintariek ez dutela ausart jokatuko boto emaileen presioa sentitzen ez badute. «Bozkatu zuen bizia horren araberakoa balitz bezala, hala da eta».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.