Albistea entzun

Artistak Mariren erreinuan

Gipuzkoan sartu, eta bertako parajerik ederrenetakoez gozatu dute Urmuga egitasmoko abenturazaleek: Aizkorriko ertza eta Urbiako zelaiak. Bat-batean, hiru funanbulista agertu dira, eta kantuz bete dute Mariren bizilekua.
Artalde artean, Aizkorriko ertzari ekin aurretik.
Artalde artean, Aizkorriko ertzari ekin aurretik. JOXEMI SAIZAR Tamaina handiagoan ikusi

Joxemi Saizar -

2020ko uztailak 22

Arantza artean Rodrigo Baltzategi artzainari Ama Birjina azaldu zitzaionean, 1469an, eta 1522an Ignazio Loiolakoa pasatu zenean, inork ez zuen pentsatuko urte askoren ondoren haren omenez halako santutegia eraikiko zenik, euskal arte eta kulturako izen nagusiak elkartuz: Oteiza, Txillida, Basterretxea, Sainz de Oiza, Laorga, Eulate…

Arantzazutik (Oñati, Gipuzkoa) abiatu, eta Durun barrena igo dira urmugalariak Eskistara, txabola eta iturria bertan. Artalde ugari. Artzain eskola ez dago urruti. Aizkorritxo pasatu, eta laster igo dira ertz aldera. Arbelaitz da lehen tontorra, eta aurretik eta ondoren kontuz ibili behar da zati batzuetan. Putreak inguruan bueltaka. 1.500 metrotik gorako zortzi tontor dira inguruan. Horietako lau pasatu dituzte: Iraule, Aitxuri, Aketegi eta Aizkorri. Bista ederrak daude hortik; tartean karabana bat agertu da, zirku konpainia bailitzan, eta, Arbelar aldean, sakonunetxo batean instalatu dira. Hor datoz, musikariak eta teknikariak, ikuskizuna eskaintzeko prest.

Dena muntatu bitartean, albokari eta trikitilari espontaneo batzuk hasi dira giroa alaitzen. Eguraldi ederra, ikusleak belarretan eserita eta etzanda. Abereak inguruan, zintzarriak ondo afinatuta, erritmoa markatzeko prest. Maddi Oihenart zuberotarrak hasi du bere aitortza, inguruko bazterrak maite dituela adieraziz, lanbroak ezkutatzen dizkionean. Eta, behin kutxa magikoaren estalkia irekita, hango eta hemengo sortzaileen gaiak jorratzen jarraitu du, Iparraldekoak nagusiki. Alboetan, malabarista eta magoa: Juantxo Zeberio teklen arduradun, eta Gorka Benitez saxoari eta flautari haize eginez. Ikuskizuna udan kantari den txori erresiñulari dei eginez amaitu dute, ikusleen gozamenerako. Arantzazura bueltan, laster ilunduko du, eta Mari agertuko da hegan, suzko lorratz bat utziz.

BIHARKO ETAPA:

Uztailak 22: Aralar (Aizpearro) 18:00

Donostiako Orfeoia, Et Incarnatus Orkestra, Txomin Artola, Leire, Kristina eta Xabier Berasaluze Leturia, Xendarineko ahizpak, Oreka TX, Gorka Benitez (saxoa), Juantxo Zeberio Etxetxipia (pianoa) eta Enrike Solinis (gitarra).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.