Noiz sortua: 2018-03-10 00:30:00

Katalunia

Torrentek Sanchezen inbestidura atzeratu du, Estrasburgoren zain

Llarena epaileak saiora joateko baimena ukatu dio hautagaiari, eta haren defentsak Giza Eskubideen Europako Auzitegira joko du, etzi, kautela neurrien bila. CUPek abstentzioari eutsiko dio bozketan
Jordi Sanchez irudiaren erdian—, iazko urrian, Espainiako Auzitegi Nazionalean deklaratu aurretik.
Jordi Sanchez irudiaren erdian—, iazko urrian, Espainiako Auzitegi Nazionalean deklaratu aurretik. VICTOR LERENA / EFE Tamaina handiagoan ikusi

Ander Perez Zala -

2018ko martxoak 10

Roger Torrent Kataluniako Parlamentuko presidenteak etzi egitekoa zen inbestidura saioa atzeratzea erabaki zuen atzo, azken orduan. Hasieran, data horri eustearen aldekoa zen, baina JxC Junts Per Catalunyarekin batzartu ostean, Jordi Sanchezen inbestidura saioa atzeratzea erabaki zuen, beste hitzordurik finkatu gabe. Aurretik, Pablo Llarena epaileak ez zion baimenik eman Sanchezi astelehenean Kataluniako Parlamentuan izateko, eta, testuinguru horretarako, presidentegaiaren defentsak iragarria zuen Europako Giza Eskubideen Auzitegira joko zuela. Hala egingo du etzi, 08:00etan, kautela neurriak eskatzeko; erabakiak Torrenten babesa du, hautagaiaren eskubide politikoak bermatzea baita helburua, Sanchez bere inbestidura saioan izateko. Estrasburgoren erabakiaren zain geratu da Torrent: «Parlamentuko presidente gisa, diputatu guztien eskubide politikoak bermatzeko eta defendatzeko borondatea dut», idatzi zuen Twitterren. ERC Kataluniako Ezker Errepublikanoa alderdiak ere Torrenten erabakiaren alde egin zuen.

Sanchezen defentsak jarritako helegiteari ezezkoa eman zion atzo eguerdian epaileak, eta behin-behinean espetxean jarraituko du ANC Kataluniako Asanblea Nazionaleko presidente ohiak, kartzelatik behin-behinean ateratzeko baimena ere ukatu baitio —urriaren 16tik dago espetxean—. Defentsak epaileari eskatu zion Sanchez aske uzteko, hautagai izendatu zutenez inbestidurara joateko eskubidea zuelako, baina Llarena ez da iritzi berekoa; autoan argudiatu du JxCk eta ERCk joan den astelehenean adosturiko akordioak indartzen duela Sanchezi leporatzen dizkion delituak berriz egiteko «ezohiko arriskua». Hala, epaileak ez du argi Sanchezek Espainiako Konstituzioa eta egungo legeria errespetatuko ote lituzkeen.

Herri akusazioaren —Vox alderdia eta Estatuaren Abokatutza— jarrera jakin gabe hartu zuen erabakia Llarenak. JxCren eta ERCren akordioa erabiltzeaz gain, Llarenak argudiatu du Sanchezi leporatzen dizkion matxinada eta sedizio delituak «larriak» direla, eta «froga berri eta garrantzitsuak» bildu dituztela, indarkeria eta beste hainbat elementurekin zerikusia dutenak; horiek guztiak, presidentegaiari «zuzenenean egotz daitezkeenak».

PDeCAT alderdiarentzat, ordea, ez dago argudio legalik Sanchez espetxean mantentzeko. Espainiako Kongresuan alderdiaren bozeramaile Carles Campuzanok atzo argudiatu zuen ez zela gai halako argudiorik aurkitzeko: «Erabakiok Kataluniako gizarteak eskatzen dituen irtenbide politikoak blokeatzen dituzte». Madrilentzat, aldiz, beste hautagai bat bilatzeko unea da orain: «Katalanak ezin dira behin eta berriz engainatu», ohartarazi zuen Iñigo Mendez de Vigo Espainiako Gobernuaren eledunak. Harentzat, independentisten akordioa ez dator bat Gorenean adierazi zutenarekin.

CUPek ez du jarrera aldatu

Sanchez inbestitzeko akordioa asteazken gauean helarazi zioten JxCk eta ERCk CUPi, eta, Eduard Pujol JxCko diputatuaren esanetan, antikapitalisten «planteamendu politikoei» erantzuten die. CUPek, ordea, ez du «aldaketa sakonik» ikusi proposamen berrian, eta atzo iragarri zuen abstentzioari eutsiko diola Sanchezen inbestidura saioan —lau diputatu ditu—.

Komunikatu baten bidez, koalizio antikapitalistak azaldu zuen akordio berriak ere «gabezia garrantzitsu eta erabakigarriak» dituela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bilboko errepideak konfinamendua hasi berritan. ©Marisol Ramirez / Foku

Nafarroako Gobernuak udako herri bestak bertan beheiti uzteko gomendatu du

Berria

Nafarroako Osasun Publikoko Institutuak nabarmendu du herri bestetan zaila dela segurtasun eta osasun neurriak betetzea. Hala, halakoetan birusa zabaltzeko arriskua ikusita, bestak bertan beheiti uzteko gomendioa egin du gobernuak. 

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera. Salvador Illak aurreratu du hirugarren fasean ezingo dela erkidego batetik bertzera mugitu. 

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna