Espainiako Gorteetarako hauteskundeak. Biharamuna

Atzerriko botoek behin betiko egoera alda dezakete Bizkaian

Jon O. Urain -

2019ko azaroak 12

Espainiako Gorteetarako hauteskundeek emaitza argiak utzi zituzten Hego Euskal Herriko lurralde gehienetan. Araban, Gipuzkoan eta Nafarroan, indar politikoek alde handiz lortu zuten azken diputatua eskuratzea. Bizkaian, aldiz, partida zabalik dago oraindik, eta Espainiako Estatutik kanpoko botoek —4.500 inguru izango dira— diputatuen behin betiko banaketa alda dezakete.

Alde batetik, EAJren azken diputatua dago kolokan. Joan den igandeko boto guztiak zenbatuta, 163 botoren aldea dago EAJren eta PPren artean. Baina horrek ez du esan nahi atzerritik iritsiko diren 4.500 boto horietan PPk EAJk baino 163 boto gehiago lortu behar duenik; gutxiagorekin ere, PPk kendu ahal dio azken diputatua EAJri; izan ere, D'Hont sistemaren arabera, jeltzaleek, laugarren diputatua lortzeko, PPren botoak halako lau jaso behar dituzte.

EH Bilduren taldea, kolokan

Beste aldetik, Espainiako Estatutik kanpoko posta bidezko botoak erabakiko du EH Bilduk talde propioa izango duen Espainiako Kongresuan. Talde parlamentarioa osatu ahal izateko, bi baldintza bete behar dira: gutxienez hamabost diputatu izatea, edo bost diputatu lortzea eta indar hori aurkezten den barruti guztietan botoen %15 eskuratzea gutxienez. Herenegun, EH Bilduk %15eko langa hori aiseago gainditu zuen Araban, Gipuzkoan eta Nafarroan, baina ozta-ozta Bizkaian: botoen %15,05 erdietsi zituen.

Hortaz, ikusteko dago Espainiako Estatuaren kanpotik bidalitako 4.500 boto horiek nola eragiten duten boto portzentajeen banaketan, eta EH Bilduk eutsiko dion %15eko langa horri. Botoak bihartik aurrera zenbatuko dituzte.

Aurrekaria Amaiurrek izan zuen: orotara, zazpi diputatu lortu zituen 2011n, baina, Nafarroan %14,86 boto bilduta, Espainiako Kongresuko Mahaiak ez zion utzi talde parlamentarioa osatzen, eta koalizio subiranista talde mistora bidali zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b>EH Bilduren mahai politikoa bilduta, atzo.</b> ©EH BILDU

Madrilgo aurrekontuak babesteko eskatu die EH Bilduk militanteei

Gurutze Izagirre Intxauspe

Espainiako Gobernuaren aurrekontuei baietza ematea hobetsi du, «eskubideak lortzeko eta eskuina geratzeko». Militanteek etzi bozkatuko dute. EAJk esan du aurrerapausoak eman dituztela
Jaione Jauregi, joan den igandean, Espainiaratu berritan. ©BERRIA

Abokatuak preskripzioa argudiatu arren, espetxera bidali dute Jaione Jauregi

Maddi Ane Txoperena Iribarren

Duela ia 40 urteko hilketa bategatik Espainiaratu dute Belgikan zegoen iheslaria. Fiskalak espetxeratzeko eskatu, eta hala erabaki du epaileak
Arnaldo Otegi EH Bilduko koordinatzailea ©Javier Etxezarreta / Efe

EH Bilduren militantziak Madrilgo aurrekontuei buruz bozkatuko du; mahai politikoak baietza eskatu du

Berria

Otegik iragarri du PSOE-Podemosen aurrekontu proiektuari baietza ematearen alde dagoela mahai politikoa, baina azken hitza militanteek izango dute. Ostegunean 18:30ean egingo den ezohiko batzarrean bozkatuko dute militanteek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.