Albistea entzun

Hauteskundeen biharamuna. Espainia

EAJk era «arduratsuan» jokatuko du

Estebanek ez du aurreratu zer jarrera hartuko duten: akordioa egin dutenen deiaren zain daude

Esteban EAJren Espainiako Kongresuko eleduna, atzo, Bilbon.
Esteban EAJren Espainiako Kongresuko eleduna, atzo, Bilbon. LUIS TEJIDO / EFE Tamaina handiagoan ikusi

Gotzon Hermosilla -

2019ko azaroak 13 - Bilbo

Ezustean harrapatu ditu euskal eragile gehienak PSOEren eta Unidas Podemosen arteko akordioak: batzuek poza agertu dute, baina gehienak zuhur agertu dira, nondik norakoak zehaztu bitartean. EAJren diputatu Aitor Estebanek, adibidez, esan du negoziazioei ekin arte ezin dutela aurreratu zer jarrera hartuko duten, baina iragarri du «arduratsuak eta eraikitzaileak» izango direla.

Estebanen iritziz, Espainiako politikan «zuri ala beltz» da dena, eta zinemara jo du egoera deskribatzeko: «Lehen The GroundHog Day pelikulan bezala geunden: denboran harrapatuta egotearen sentsazioarekin. Orain, Fast & Furious bilakatu da». Haren esanetan, «sei hilabete igaro PSOE eta UPren artean milioi eta erdi boto galdu, Senatuan gehiengoa galdu, eta Voxen gorakada gertatu behar izan dira guk aspaldi eskatzen genuena jazotzeko».

Orain, EAJ zain dago, akordioa izenpetu duten alderdiek noiz deituko. Estebanek ez du aurreratu zeintzuk izango diren EAJren eskariak negoziazioan, baina kontu bat argi utzi du: «Gobernu berriak erantzun bat eman beharko lioke lurraldetasunaren edo naziotasunaren auziari».

EH Bildu, gaur

Beste eragile politiko batzuk ere zuhur agertu dira. EH Bilduk gaur egingo du balorazioa, Arnaldo Otegi koordinatzaile nagusiaren agerraldiaren bidez. Pozik handiena sozialistek eta Unidas Podemoseko kideek agertu dute. PSE-EEko idazkari nagusi Idoia Mendiak esan du akordioa «abiapuntua» dela «espainiar gehienei erantzungo dien gobernu progresista bat eratzeko». Itunean ageri diren edukiak «gogoko» ditu. PSNko eledun Ramon Alzorrizek, nabarmendu du «oso albiste ona» dela adostasuna, «oso beharrezkoa» zelakoan. «Akordioa ezin zen gehiago atzeratu».

Antzera hitz egin du Nafarroako Ahal Dugu-ko idazkari nagusi Eduardo Santosek: «Guk beti eskatu dugu [Espainiako] Estatuak ere itunen kulturarekin bat egitea, Nafarroan egin dugun bezala. Oso albiste pozgarria da, eta orain koalizio gobernuak aurrerapen sozialaren alde egin behar du, klima aldaketari eta desberdintasunen erronkei aurre egiteko».

Geroa Baiko eledun Uxue Barkosek ere uste du «albiste ona» dela: «Ezegonkortasunean eta akordiorako bokaziorik gabe hilabete gehiegi eman ostean, positiboa da ordezkaritza duten bi indar progresista nagusiek lehen urratsa egitea». Dena dela, «zail» egiten zaio ulertzea zergatik ez duten ituna lehenago egin.

Eskuineko alderdientzat, aldiz, «oso albiste txarra» da. PPko Alfonso Alonsok esan du «populismoa garaile» izango dela, eta Sergio Sayas Navarra Sumako diputatuarentzat, berriz, «errespetu falta eta iraina» da: «Aulkiak banatu dituzte, 150 milioi euro gastatu eta Espainia zazpi hilabetez erabat geldirik eduki ondoren».

Sanchezek eta Iglesiasek koalizioa osatzeko aurreakordioa egin dute

Berandu baino lehen

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume afganiar bat eskean, soldadu taliban bat aurrean duela, Kabulen. ©STR / EFE

Baztertuetan baztertuenak

Arantxa Elizegi Egilegor

Talibanak agintera heldu zirenetik, Afganistango ekonomia hondoratu egin da, eta giza krisia okerragotu. Testuinguru horretan, emakumeak dira eskubide urraketa gehien jasan dituztenak
 ©BERRIA

«Erregimenak gerra deklaratu die neska gazteei»

A. Elizegi Egilegor

Boterearen truke «herrialdea saldu» izana egotzi die Durranik talibanei. Haren iritziz, baina, prozesu horretan pisu handia izan du AEBen jarrerak, haiek erraztu zietelako agintea lortzea.
Castillo Peruko Fiskaltzaren egoitza nagusitik ateratzen, iragan astean, Liman. ©PAOLO AGUILAR / EFE

Fiskaltzak estu hartutako presidentea

Zuriñe Iglesias Sarasola

Pedro Castillo Peruko estatuburuaren aurka sei ikerketa ireki dituzte. Besteak beste, influentzia trafikoa eta herri lan batzuen lehiaketetan iruzur egitea egotzi diote agintariari
Atleta transexualen aldeko elkarretaratze bat, ekainean, Washingtonen. ©JORGE DASTIS / EFE

Adingabe transexualen eskubideak bermatzeko bidea hasi du Kaliforniak

Lide Iraola Arantxa Elizegi Egilegor

Arauak babesa eskaintzen die beren estatuetan tratamendurik jaso ezin duten adingabeei. Ordezkarien Ganberaren onespena behar du orain

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.