Albistea entzun

HILBERRIA. Antonio Mercero

Kabinatik irten zen zuzendaria

FERNANDO ALVARADO / EFE Tamaina handiagoan ikusi

Amagoia Gurrutxaga Uranga -

2018ko maiatzak 13

Telefono kabina batetik irten ezinda geratzen zen gizonari buruzko film klaustrofobikoak ireki zizkion Antonio Mercerori (Lasarte, Gipuzkoa, 1936) zinemazale askoren arretaren ateak, baina La cabina (1972) baino lehenago bereganatu zuen Donostiako Zinemaldiko epaimahaikoen arreta,1962an, Lección de arte, laburragatik. La cabina-ri esker, berriz, AEBetako Emmy, Milango Marconi eta Monte-carloko Nazioarteko Kritika sariak lortu zituen. Ordurako, Espainiako telebista publikoan lanean hasita zegoen.

Film luzeetara egin zuen jauzi kabinatik kanpoko lehen urteetan. 1970eko hamarkadan filmatu zituen, besteak beste, Manchas de sangre en un coche nuevo (1976), La guerra de papá (1978) eta La noche del licenciado (1979). Buenas noches, señor monstruo, berriz, 1982an estreinatu zuen. Planta Cuarta-rekin (2003), Montrealgo zuzendaririk onenaren saria jaso zuen. ¿Y tú quién eres? (2007) da egin zuen azken filma. Alzheimerren gaitzari buruzkoa da. Gaitz horrexek erasan zion, 2009an.

Zinematik kanpo ere, arrakasta handia lortu zuen Mercerok Espainiako hainbat telebista katerentzat egindako telesailen bitartez.

Atzo hil zen, Madrilen. Lasarte-Oriako Udalak jakinarazi duenez, Antonio Mercero Museo Birtuala abiaraziko dute laster, haren lana ezagutarazteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

'Nomadland' filmeko zuzendari Chloe Zhao. Zuzendaririk onenaren saria jaso du. ©Etienne Laurent / EFE

Kapitalismo garaikidearen inguruko lana, Golden Globes sarietako irabazle nagusia

Edu Lartzanguren

'Nomadland' filmak dramarik hoberenaren saria jaso du, eta zuzendaririk onenarena ere eman diote horren Chloe Zhaori. Horrez gain, 'Borat' sagaren bigarren lana nabarmendu dute, eta, telesailen artean, 'The Crown'.

 ©JON URBE / FOKU

«Ez dakit maitasuna gauza natural bat den»

Ainhoa Sarasola

Iruñeko familia bereko hiru emakume belaunaldi jarri ditu protagonista 'Odolekoak' bere lehen nobelan. Haien bidez, ama-alaben arteko loturez eta memoriaz gogoetatu du idazleak, 1941etik gaur arteko garaiaren kronika ere osatuta, aldi berean.
Mogwaik iaz kaleratu nahi zuen diskoa, taldearen 25. urteurrenaren harira. Urtebete geroago iritsi da. ©BRIAN SWEENEY / EFE

Baikortasun geruzetan

Aitor Biain

Mogwai Eskoziako post-rock taldeak 'As The Love Continues' lana kaleratu du. Ohiko moldeetatik askorik aldendu gabe, baikortasun kutsua duten 11 kantuz osatu dute disko berria.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna