Maria Jauregi Lasa. (Legorreta, Gipuzkoa, 1980)

ETAk Juan Mari Jauregi aita hil zion 2000ko uztailaren 29an, baina biktimaren etiketatik ihes egiten du Maria Jauregik; ez du gustuko: «Nik beti esaten dut biktima aita izan zela, ez ni». Horregatik, beste aldagai batzuk aipatzen ditu bere burua definitzean: «Ni Maria Jauregi naiz. Ingurumen Zientzietan lizentziaduna. Areto futboleko jokalari ohia. Realzalea. Lagunekin egotea asko gustatzen zait, bazkarietan-eta; gero eta gehiago, gainera».