Albistea entzun

HIRUKOTIK

Europako egutegia

Mikel Reina -

2022ko urriak 4

Barrutik kanpora. Badator saskibaloiko lehen aste gozagarria. Edo etsigarria etxekoentzat. Saskibaloia dago egunero, txapelketa ezberdinak, gainera. Europako txapelketak hasiko dira gaur, aste honetan hiru euskal taldek ekingo diote Europako abenturari, IDK Euskotrenek gehiago itxaron beharko du debuterako. Goreneko mailako denak ariko dira, Kutxabank Araski izan ezik. Gaur bertan Bilbo Basketek Pragan jokatuko du Txapeldunen Ligako lehen jardunaldia Nymburken aurka. Bilbotarrek aurkezpenean aditzera eman zutenez, bigarren mailako helburutzat hartu dute txapelketa. Baina ACB ligako lehen bi garaipenek ziurtasuna emango zien. Baskoniak etzi hasiko du Euroliga, ez edozelan, Valentzia Basketen Fonteta pabiloian. Valentziarrekin dagoen lehia, Joan Peñarroyaren itzulera... osagai asko lehen jardunaldirako. Gasteiztarrek gorabeherak izan dituzte ligako lehen bi partidetan, Unicajaren aurkako lehen laurdenetik, Markus Howarden erakustaldira pasatu zen; eta Bartzelonaren kontra aldaketa handia izan zen lehen eta bigarren zatien artean. Normala dela esan daiteke. Oraindik taldeak egiteke daude, denboraldiaurrean daude oraindik. Lehen sentsazioek, berriz, ilusioa piztu dute zaleen artean, Buesa Arena lepo bete zen Unicajaren aurka. Partidaren inguruan antolatutako kontzertuak, ikuskizunak... lagundu zuen. Baina protagonistak aldatu daitezke, euskarari tarte bat zabalduz, esate baterako.

Azkenean kanporantza helarazi nahi duguna garrantzitsua da oso. Asteburuan amaitu zen Australiako emakumezkoen Munduko Txapelketa. Oso ikusgarritasun gutxi izan du. Partida gutxi batzuk emititu dira, jarraipena txikia izan da. Gero, emakumezkoen saskibaloiaren babesleak direla diote. Nesken denboraldi ofizialeko egutegia ez sinestekoa da. Hiru euskal taldeen lehen partida ofiziala hiru txapelketa ezberdinetan izango da.

Hiru hasiera ezberdin. Lointek Gernika Bizkaia denboraldiaurretik kale edo baleko norgehiagoka bat jokatzera pasako da. Eurokopako atariko kanporaketako joaneko partida du bihar Phantoms Basket Boom Belgikako taldearen aurka. Partida oso garrantzitsua da, seigarren denboraldiz jarraian jokatu nahi baitute gernikarrek Eurokopa. Aldaketen sasoia da aurtengoa Busturialdean. Nagusia: 11 urteren ostean ez dugu Mario Lopez Malosteko aulkian jesarrita ikusiko, osasun arrazoiengatik. Anna Montañanak erronka handia du aurretik. Horretarako asko eta ondo inguratuta egongo da. Ohi baino berrikuntza gutxiago izango ditu taldeak, baina jokalari garrantzitsu batzuk itzuliko dira: Julie Wojta eta Nogaye Lo.

Ligako lehen jardunaldia Kutxabank Araski eta bizkaitarren artekoa izan beharko litzateke. Baina gasteiztarrek Superkoparekin emango diote hasiera ofiziala denboraldiari. Duela bi urte Miribillan jokatu zen, eta aurten Mendizorrotzak hartuko du. Talde antolatzaile moduan jokatuko dute arabarrek. Denboraldi hasiera ezberdin bat. Gironaren aurka jokatuko dute larunbatean, Baskoniak egin bezala, ilusiorako pizgarri ezin hobe bat izan daiteke. Bigarren txapelketarik ez jokatzeak talde laburrago bat eratzera eraman ditu, gutxiago bai, baina kalitate handikoak. Made Urietak Maria Asurmendi eta Tanaya Atkinson bakarrik mantentzen ditu iaztik, eta Campus Prometetik hiru jokalari ekarri ditu: Burani, Alarcon eta Diarra, hain zuzen ere. Logroñoko taldea desagertu egin zen.

Denboraldiaurrean IDK Euskotren izan da hiru euskal taldeen artean onena. Euskal Kopa eskuratu zuten lehen aldiz gipuzkoarrek. Lehen aldiz ere ariko dira Europan, atariko kanporaketarik jokatu gabe. Urriaren 27an izango dute estreinaldia Asvelen pabiloian. Frantziako taldea indartsua da. Azu Muguruzarenak izango dira denboraldia normaltasunez hasiko duten bakarrak: bihar Bembibren jokatuko dute. Ikusi beharko da ordurako Ivana Raca jokatzeko dagoen edo ez. Serbiarra izan da euskal taldeetako ordezkari bakarra Australiako munduko txapelketan. Beste jaurtitzaile bat talderako. Muguruzaren plana argia da: Coulibaly jaurtitzailez inguratu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Neymar Jr, Brasilgo izar nagusia, atzoko partidaren ostean, negarrari ezin eutsita. ©JOS MNDEZ / EFE

Argentinak eta Kroaziak penaltietan irabazi diete Herbehereei eta Brasili

Beñat Mujika Telleria

Kroaziak penaltietan irabazi dio Brasil faboritoari. Argentinak, aldiz, ez du huts egin Herbehereen aurka

Peio Etxeberria eta Elordi, atzo, Larraintzarren. / ©BERRIA

Hirugarren partida ere irabazi egin dute Elordik eta Zabaletak

Jon Ordoñez Garmendia

Peio Etxeberria eta Rezusta 22-10 hartu dituzte mendean Larraintzarren, eta sailkapenaren buru dira.

 ©BERRIA

Gizontasun eredu «toxikoa» oinarrian

Jone Bastida Alzuru

Egungo gizonezkoen futbol eredua matxista, arrazista eta homofoboa dela uste du Joseba Gabilondo EHGAMeko kideak, eta, horren ondorioz, gay batentzat futbola ez da «espazio seguru bat». Gogoetarako deia egin du, egoerari aurre egiteko.
 ©BERRIA

Melodia nork jarriko

Iñigo Lasa

Frantziaren eta Ingalaterraren arteko lehiak ikusmina sortu du. Rice eta Tchouameni dira beren selekzioaren jokoaren euskarri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...