Albistea entzun

Gasteizen gazte bat atxilotu dute PPko kide bati eraso egitea egotzita

Alderdi guztiek arbuiatu dute Ander Garciaren aurkako erasoa. Larunbat gauean ukabilkada bat eman zioten Florida kalean
Ertzaintzaren furgoneta bat Gasteizko autobus geltokian.
Ertzaintzaren furgoneta bat Gasteizko autobus geltokian. RAUL BOGAJO / FOKU Tamaina handiagoan ikusi

Oihane Puertas Ramirez -

2021eko irailak 7

Ertzaintzak 20 urteko gazte bat atxilotu zuen larunbat gauean Gasteizen, Ander Garcia PPko gaztedietako kideari eraso egitea egotzita. Garciak salatu duenez, Arabako hiriburuko Florida kalean izan zen erasoa, dantzaleku baten atarian. Biktimak azaldutakoaren arabera, emakumezko batek PPko kide izateagatik egin zion eraso; erasotzailea beregana hurbildu, eta, «fatxa» deituta, ukabilkada bat eman zion. Emakumeak «gora ETA» ohiukatu zuela gaineratu du PPko kideak. Garciak azaldu duenez, ez zuen erasotzailea aurretik ezagutzen.

Garciak berak deitu zuen SOS Deietara, eta Eusko Jaurlaritzaren Segurtasun Sailak jakinarazi duenez, patruilak erasoa gertatu zen lekura joan eta emakumea atxilotu zuten.

Elkartasun mezuak

Alderdi guztiek arbuiatu dute erasoa, eta Garciak esker ona adierazi die sare sozialen bitartez elkartasuna adierazi diotenei, «bereziki Euskal Herriko PPko kideei». Horrez gainera, zera adierazi du: «Ezingo dute gurekin. Ezin izan zuten armekin, are gutxiago ahalko dute ukabilkadekin».

Pablo Casado Espainiako PPko presidentea izan da erasoa gaitzetsi dutenetako bat, eta «eraso abertzalea» izan dela salatu du. Twitterren zabaldu duenez, «haiekin itunak egin ordez, gobernuak Bilduren inguruko indarkeriari aurre egin behar dio». Carlos Iturgaiz PP-C'S koalizioko lehendakariaren aburuz, «onartezina» da erasoa, eta «babes eta elkartasun guztia» adierazi du horrelako erasoen aurrean.

Denis Itxaso Espainiako Gobernuak Euskal Autonomia Erkidegoan duen ordezkariak ere adierazi dio elkartasuna, eta sare sozialetan zabaldu du «gorrotoari erabakitasunez» aurre egin behar zaiola. Eneko Andueza PSE-EEko kidearen ustez, berriz, «indarkeria ezin da justifikatu» eta «kezkagarria» da horrelakoak gertatzea. «Gertakari horiek ez dira erantzunik gabe geratu behar», gaineratu du.

Bestalde, EH Bilduk nabarmendu du erasoa «guztiz arbuiagarria» iruditzen zaiola. Indar subiranistak adierazi duenez, Gasteizkoaren moduko gertakariak «bizikidetza demokratikoa eraikitzearen aurkako norabidean doaz». Arabako Ahal Dugu-k ere «babes eta maitasun osoa» adierazi dio Garciari, eta gaineratu du «gorrotoak, indarkeriak eta tolerantzia ezak» ez dutela lekurik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, atzo. ©PSE-EE

PSEk «legediaren» balioa goraipatu du

Edurne Begiristain

Mikel Unzalu PSEko legebiltzarkide zena oroitu dute. Estatutua goretsi du Mendiak
Isabel Rodriguez eta Olatz Garamendi, atzo, Madrilen. ©FERNANDO ALVARADO / EFE

Beste bi transferentziari buruzko proposamena egingo du Madrilek urrian

Gotzon Hermosilla

Bizitzeko gutxieneko diru sarrera eta trenbideak dira Jaurlaritzari eskualdatu beharreko eskumenak. Transferentzia aurten itxi nahi dute
Ehunka lagunek egin dute bat Arrasaten, Sare-ren deialdiarekin

Ehunka lagun Arrasaten, euskal presoen eskubideen aldeko bilkuran

Iñaki Agirre - Jon Ordoñez Garmendia

Eguerdian euskal presoen eskubideen aldeko 50etik gora bilkura egin dira Euskal Herrian, Sarek atzo bertan behera utzi zuen martxaren ordez. Ertzaintza Voxen bilkuraren aurka protestan ari ziren antifaxistei oldartu zaie Arrasaten, eta taberna batean zegoen gizon bat zauritu du.

Arnaldo Otegi EH Bilduko koordinatzailea, artxiboko irudian ©Gorka Rubio/ Foku

Otegi: «XXI. mendean burujabetzak estatu izena du»

Edurne Begiristain

EH Bilduk Konferentzia Politikoa egin du gaur goizean Donostian, aurrera begirako erronkak zehazteko. Lan politikoaren, hezkuntza proposamenaren eta plan feministaren inguruan bozkatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna