Albistea entzun

De la Fuente, Cannesen

Zuzendari euskal herritarrak bere azken filma aurkeztu du zinemaldian. Damian Nenow animatzailearekin egin du 'Another Day of Life' lana
Raul de la Fuente zinemagilea, atzo, Cannesen.
Raul de la Fuente zinemagilea, atzo, Cannesen. FRANCK ROBICHON / EFE

Amagoia Gurrutxaga Uranga -

2018ko maiatzak 13

Hiru hilabete 1975eko. Portugaldik askatu aurreko Angolan. Gerran. Poloniako berri agentzia publikorako lan egiten zuen 43 urteko kazetari baten bizipenak. Riszard Kapuscinski handiarenak. Kazetari gisa heldu zen Angolara; idazle bihurtuta alde egin zuen handik. Animazioa eta irudi errealak erkatzen dituen 86 minutuko film batean agertu dituzte bizipen haiek orain. Another Day of Life (Beste egun bat bizirik) da pelikularen izenburua. Raul de la Fuente (Iruñea, 1974) zinemagileak zuzendu du, Damian nenow animatzaile poloniarrarekin batera. Cannesen aurkeztu zuten biek, atzo. Opera primarik onenarentzako Urrezko Kamera irabazteko hautagaien artean dago lana.

«Thriller-a, abentura filma, gauza asko da pelikula hau. Bala bat, tiro bat izateko pentsatu nuen. Film azkarra da, abiada bizikoa, geldialdi surrealista, oniriko, unibertsal, poetikoekin», zioen atzo De la Fuentek. Hamar urte behar izan ditu proiektu hau gauzatzeko. Kapuscinskiren Angolako kroniken liburua irakurtzean erabaki omen zuen han film bat bazegoela. Eta dokumentala eta animazioa hibridatzea, Kapuscinskiren estilo poetikoak bultzatuta, haren Angolako bizipenak animazioaren eta benetako irudien bitartez kontatzeko. «Kapuscinskik zioen bizitzaren zentzua mugak zeharkatzean datzala, eta hori izan dugu erronka». Donostiako Kanaki Films da filmaren bost ekoiztetxeetako bat. Gainerako lauak atzerrikoak dira.

Raul de la Fuenteren lehen lan luzea Nomadak TX (2006) izan zen. Oreka TX taldeko bi kideen munduan zeharreko ibilerak agertzen zituen, eta hamaika sari jaso zituen lan harekin. 2015ean, film labur dokumentalik onenarentzako Oscar saria jasotzeko hautagai izan zen Minerita (2013) lanarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Katixa Agirrek hartuko du parte, besteak beste, Gutun Zurian. ©Gorka Rubio / Foku

Gutun Zuria jaialdia martxoaren 23tik 27ra egingo da Bilbon

Mikel Lizarralde

'HEMEN. Non guztiak biltzen dituen lekua' egingo dute literatur topaketa, eta bertan izango dira, besteak beste, Eider Rodriguez, Txani Rodriguez, Miren Agur Meabe, Katixa Agirre, Damian Tabarovsky, Alexei Yurchak eta David Le Breton

Josu Okiñenak (eskuinetik laugarrena) hainbat egileren oinordekoen, Bingen Zupiria Kultura sailburuaren eta beste hainbat eragileren ondoan aurkeztu zuen atzo OndarE Oficina. ©GORKA RUBIO / FOKU

Musika altxorrak gizarteratzeko egitasmo «zirkularra», abian

Amagoia Gurrutxaga Uranga

OndarE Oficina proiektuak hogeitik gora konposizioren edizio kritikoak eta disko bat argitaratu ditu dagoeneko. Josu Okiñena pianista eta ikerlaria da egitasmoaren sortzailea

Sail Ofizialean hiru emakumezko zuzendari baino ez ziren lehiatu jaialdiaren lehen urteetan: Julia Solntseva, Tatiana Lioznova eta Judit Elek. ©JAGOBA MANTEROLA / FOKU

Lehen urteei ertzetatik begira

Ainhoa Sarasola

Donostiako Zinemaldiaren 1953tik 1970erako 30 argazki ikusgai daude Tabakaleran. Generoari, klaseari eta politikari lotutako «tentsioen» isla diren irudiak hautatu dituzte

Kukai dantza taldearen <em>Biziminak</em> filma ikusi ahal izango da Loraldian, besteak beste. Irudian, ikus-entzunezkoaren fotograma bat. ©LORALDIA FESTIBALA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.