Albistea entzun

Koronabirusa

COVID ziurtagiria lortzeko bideak, zabalik

Uxue Rey Gorraiz -

2021eko ekainak 10

Atzotik, Euskal Herri osoan deskarga daiteke COVID-19ari dagokion immunitate egoeraren berri ematen duen ziurtagiria. Ordea, Nafarroako Gobernuak, Eusko Jaurlaritzak eta Frantziako Gobernuak ezarritako irizpideak ez dira berdinak. Gainera, herrialdearen arabera, desberdina da agiriak baldintzatuko duena.

NOLA ESKURA DAITEKE?
Nafarroa.
Osasunaren Karpeta Pertsonalaren bidez, edo aurrez aurre, osasun etxeetan.
Araba, Bizkai eta Gipuzkoa. Oraingoz, digitalki soilik, sinadura elektronikoaren bidez; Osakidetzaren sareko atarian.
Ipar Euskal Herria. Digitala, Ameli Gizarte Segurantzaren webgunean; paperezkoa, ziurtagiri motaren arabera.

NORK ESKURA DEZAKE?
Txertoa hartu dutenek

Hegoaldea. Txertoaren zenbat dosi hartu diren adieraziko da. Agiriak ez du iraungitze datarik.
Iparraldea. Pauta osoa hartua dutenek eskura dezakete. Agiriak ez du iraungitze datarik, eta paperezko bertsioa txertaketa guneetan lor daiteke.
Gaitza pasatu dutenek
Hegoaldea. Gutxienez 11 egun izan beharko dira igaroak PCR positibotik; gehienez, 180.
Iparraldea. Medikuaren agiria beharko da. Gutxienez hamabost egun izan beharko dira igaroak PCR positibotik; gehienez, 180.
Testetan negatibo eman dutenek
Hegoaldea. Antigeno testa bada, 48 ordu lehenago egina izan behar du, gehienez. PCR proba bada, epea 72 ordukoa da.
Iparraldea. PCR negatiboa be-harko da; 72 ordu baino gutxiagokoa.

ZERTARAKO BALIO DU?
Europako Parlamentuak oniritzia eman du ziurtagiria uztailaren 1etik aurrera EBko joan-etorrietan erabiltzeko. Agiriari esker, kontrol neurriak arinagoak izanen dira Europako Batasuneko herrialdeetara bidaiatzean. Agiririk gabe ere posible da bidaiatzea, muga gehiagorekin. Halaber, Ipar Euskal Herrian, 11 urtetik gorakoentzat, mila pertsona baino gehiago biltzen diren lekuetan derrigorrezkoa da atzotik osasun ziurtagiria, hala nola festibaletara, kirol zelaietara eta kultur gela handietara sartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hizkuntza gutxituen esparruko ehundik gora eragilek sinatu zuten Hizkuntza Eskubideak Bermatzeko Protokoloa, 2016an, Kursaalen. ©ARITZ LOIOLA / FOKU

Sare berriak, eragiteko

Ion Orzaiz

Kontseiluak hizkuntza politikak eraldatzeko bide orria aurkeztuko du bihar. Ehun bat eragilek eta entitatek bat egin dute agirian jasotako helburuekin

Eskoriatzako Arizmendi-Almen ikastolaren eremua ur azpian, 'Goiena.eus'-ek zabalduriko bideo bateko irudian. ©Goiena

Kalte handiak eragin dituzte ekaitzek Euskal Herriko hainbat lekutan

Berria

Debagoienan, Iruñerrian eta Gasteizen hainbat kale eta lokal hartu ditu urak.

Iñigo Urkullu lehendakaria Eusko Legebiltzarrean, artxiboko irudian ©David Aguilar/ Efe

Urkulluk dio «berandu baino lehen» maskararen erabilera arintzeko era egon daitekeela kanpoaldean

Edurne Begiristain

Gaur arratsaldean bilduko da Labiren Aholku Batzordea, eta lehendakariak iragarri du litekeena dela gaueko aisialdia zabaltzeko neurriak hartzea.

Bidaiari bat Rossyko (Frantzia) aireportuan, joan den apirilean. ©IAN LANGSDON / POOL

Txertatuek eta gaitza pasatu dutenek bidaiatzeko muga gutxiago izatea proposatu du ECDCk

Uxue Rey Gorraiz

Europako zentroak iradoki du txertoaren pauta osatua dutenek edo azken 180 egunetan gaitza izan dutenek ez dutela zertan PCR probarik edo berrogeialdirik egin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.