Azaroaren 16an berrituko dituzte lehendakaritza eta zuzendaritza

Batzar orokorra egingo dute Durangon. Hogei urteren ostean, «eraberritzeko eta funtzioak berrikusteko gogoz» daudela diote
Udalbiltzako egungo kideak eta kide historikoak, atzo, Donostian.
Udalbiltzako egungo kideak eta kide historikoak, atzo, Donostian. A. CANELLADA / FOKU Tamaina handiagoan ikusi

Enekoitz Telleria Sarriegi -

2019ko irailak 19

Donostiako Koldo Mitxelena kulturunean aurkeztu zuen atzo Udalbiltzak azaroaren 16an Durangon (Bizkaia) egingo duen batzar orokorra. Gaur egungo kideek eta hainbat kide historikok hartu zuten parte agerraldian, eta erakunde horrek duela hogei urte zuen balioa —atzoko egunez egin zuten hura sortzeko batzarra, Bilbon— eta gaur egun duena nabarmendu zituzten. Han izan ziren, besteak beste, gaur egungo kide Jabi Asurmendi (Arakaldoko alkatea), Pili Legarra (Asteasuko alkatea), Iratxe Lopez de Aberasturi (Gasteizko zinegotzia), Lamia Arcas (Laudioko zinegotzia), Jon Arriola (Berriatuko alkatea), Olaia Duarte eta Reyes Karrere (Donostiako zinegotziak), Sabina Garcia (Mendigorriako zinegotzia), eta aurreko zuzendaritzetako kide Pablo Gorostiaga, Loren Arkotxa, Mertxe Aizpurua, Xabier Alegria, Xarlo Etxezarreta eta Santi Kiroga, besteak beste.

«Hogei urte ez dira alferrik pasatzen, eta Euskal Herriko erakunde publiko nazionalak, oztopoak oztopo, urratsez urrats, egin du bidea», azpimarratu zuten egungo kideek. Eskerrak eman zizkieten bi hamarkada horietan «Euskal Herriaren nazio egituratzea gorpuzten, eta erakunde publikoetan hazia pausarazten» aritu direnei; batzar orokorrari buruzko xehetasunak eman —Udalbiltzara atxikitako kide guztiek izango dute batzarrean eta bozketetan parte hartzeko aukera—, eta kide historikoak batzarrera gonbidatuko dituztela jakinarazi zuten. «Eraberritzeko eta bere funtzioak berrikusteko gogoz heldu da Udalbiltza 2019ko paradara, jada hainbat proiektu loratze bidean direlarik. Irudi berria ere garatu dugu erakundearen eraberritzea irudikatzeko, eta, era berean, aurreko hamarkadetako jarduna gure eginez».

Mila hautetsi helburu

Udalbiltzan Bagabiltza gogoeta prozesua ekarri zuten gogora, bai eta handik abiatutako proiektuak ere: Lurgida, Ikerbiltza, Hartu-eman, Hurbiltzen, EHNA... «Ez da lan makala aurretik duguna. Hori dela eta, mila hautetsiren atxikimendua lortzeko erronkari lotu gatzaizkio, bakoitzak bere esparrutik, bakoitzak bere gogoetatik, garatuko diren proiektuetan, nahiz etorriko diren ekinbideen garapenean ere parte hartzeko». Jakinarazi zuten 600 hautetsi atxiki direla, baina esan zuten atxikimendu kanpaina «erritmo onean» doala eta helburua lortzea espero dutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna