Albistea entzun

Baionako eta Algortako festetan eta Zarautzen ziztadak salatu dituzte

Villabonan sexu abusu kasu bat salatu eta elkarretaratzera deitu dute gaur. Getxoko Udalaren jarrera gaitzetsi du mugimendu feministak
Jaien aurretik, Algortako mugimendu feministak egindako agerraldia.
Jaien aurretik, Algortako mugimendu feministak egindako agerraldia. GETXOKO ELKARREKIN PODEMOS/#BARRA_ABILDUA#ELKARREKINGETXO Tamaina handiagoan ikusi

Joxerra Senar -

2022ko uztailak 31

Egunetik egunera ziztada kasu gehiago salatzen ari dira. Baionako festetan, ostiral gauean 39 lagunek ziztada jaso izanaren susmoa zutela jakinarazi zuen Pirinio Atlantikoetako Prefeturak. Horietatik bederatzi ospitalera eraman zituzten probak egitera. Algortako festetan, mugimendu feministak azaldu zuen hiru emakumek osasun zerbitzuetara jo zutela ziztada eta «zorabioa» nabaritu zutelako —gerora jakin zutenez, gizon batek ere ziztada bat nabaritu zuen txosnen inguruan—. Azkenik, Zarautzen (Gipuzkoa), bi neska adingabek osasun etxean salatu zuten ziztadak egin zizkietela, eta odol laginak atera zizkieten biei.

Azken bi kasuon ikerketa bere gain hartu du Ertzaintzak, nahiz ez duten salaketa judizialik jaso. Hain zuzen ere, Getxoko Udalak ukatu egin zuen ziztadarik izan dela, Udaltzaingoak eta Ertzaintzak salaketarik jaso ez dutelako.

Algortako mugimendu feministak elkarretaratzea egin zuen atzo arratsaldean, 18:00etan, Telletxea kalean. Udalaren jarrera gaitzetsi zuen: «Hemen elkartzen gara erasoa jasan dutenen lekukotza zalantzan jartzen ez dugunok, Getxoko Udalak ez bezala». Azaldu zuten kasu batzuetan erasoen egileek ez dutela metodo horrekin sumisio kimikoa bilatzen, baizik eta «beldurra» eragitea eta «segurtasunik ez den gune bihurtzea» jai eremua. «Sumisio kimikotik harago doaz ziztadak».

Villabonan, sexu erasoa

Gainera, Segurtasun Sailak jakinarazi zuen Villabonako festetan salatutako sexu-abusu kasu bat ikertzen ari dela Ertzaintza. Ostiral gauean jarri zuen salaketa biktimak. Mugimendu feministak elkarretaratzera deitu du gaurko 19:30ean, Errebote plazan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.