Albistea entzun

Donostiako 60. Zinemaldia. Kritika. Zabaltegi Perlak

Apokalipsirik ederrena

Beñat Eizagirre Indo -

2012ko irailak 23

'Beasts of the Southern Wild'

Zuzendaria: Benh Zeitlin.

Herrialdea: AEB.

Iraupena: 92 minutu.

Benh Zeitlin zuzendari gazteak ezustekoa ematea lortu zuen Sundancen eta Cannesen. Sundancen garaile izan ostean, Cannesen Urrezko Kamera erdietsi zuen, eta, orain, Donostian aurkeztu du Beasts of the Southern Wild opera prima bikaina. Hain da ikusgarri eta indartsua, zaila da sinesten honako hau lehenengo luzea duenik. Antza denez, Quentin Tarantino bezala zuzendari jaiotzen direnak ere badira, eta Zeitlin horietako bat dela ez dago zalantzarik. Era guztietako egoera apokaliptikoak irudikatu izan dira pantailan, baina film honen originaltasunak eta zintzotasunak ez du parekorik. Gainera, aktore ez-profesionalen parte hartzeak sekulako indarra ematen dio munduaren amaiera zuzenean kontatzen duen maisulanari. Apokalipsia aspaldian iritsi da guregana, kontua da pantailez inguraturik bizi garenontzat zaila dela errealitatea eta fikzioa bereiztea. Egungo gizartearen kritika zorrotza egiteaz gain, ikuskizuna ziurtatuta dago. Quvenzhane Wallis neskatoaren antzezpena, esaterako, txapela kentzeko modukoa da. Basati onaren mitoaren bertsio gaurkotua kontsidera daiteke, eta garapenaren ideia zalantzan ipini nahi du Louisianako dikearen bestaldean bizi diren primitiboen esperientzia ezagutaraziz. Iraganeko urrezko aroaren istorioa berreskuratu nahi izan du. Sahlins antropologoak zioenez, nekazaritzak ez zuen inolako iraultzarik ekarri; izatekotan, esklabotzarako lehen urratsa baino ez zen izan. Ehiztari eta biltzaileak primeran bizi zirela argudiatu zuen. Egileak naturarekin eta gure benetako bizimoduarekin bat egitera gonbidatzen gaitu. Eszena jakin batzuek oilo ipurdia jartzen dizute. Ikaragarria benetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Igor Legarreta zuzendaria, ta Josean Bengoetxea, Haizea Carneros eta Itziar Ituño aktoreak, ilmaren aurkezpenean ©Monika del Valle/ Foku

Bihar estreinatuko dute ‘Ilargi guztiak’ filma, Bilbon

Amaia Igartua Aristondo

Fant zinemaldiaren hasierako ekitaldian emango dute Igor Legarretaren pelikula. Heriotzak eragiten duen beldurraz dihardu ekoizpenak, eta Haizea Carneros, Itziar Ituño eta Josean Bengoetxea aktoreek hartu dute parte

Silvia Perez Cruz izango da jaialdiko izen handienetako bat. ©Kiko Huesca / EFE

Brad Mehldau, Bill Frisell, Silvia Perez Cruz eta Kenny Barron izango dira Donostiako 56. Jazzaldian

Mikel Lizarralde

Musika jaialdia uztailaren 21etik 25era egingo da, eta bertan parte hartuko dute, era berean, Cecile McLoron Salvantek, Noak, Mulatu Astatkek eta Gonzalo Rubacabak

Iñaki Segurolak atzo aurkeztu zuen liburua, Donostian. ©JON URBE / FOKU

Pandemiaren zurrunbilotik

Mikel Lizarralde

Iñaki Segurolak 'Koiteretzia' argitaratu du, azken hilabeteetan bizi izandako egoeretan ardaztutako eleberri bat. Narratzailerik gabe, hiru pertsonaiaren arteko elkarrizketen bidez eman du nobela

 ©JON URBE / @FOKU

«Despolitizatu egiten da kultura»

Gorka Arrese

Kulturaren eta artearen arloak ikuspegi sozialistatik lantzeko egitasmoa da Ekida. 'Manifestua' ikuskizunaren lau emanaldi eskainiko dituzte maiatzean eta ekainean. Lehen editoriala argitaratu dute webgunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna