Albistea entzun

«Telefonikak urteetan estutu du soka, eta azkenean apurtu egin da»

Telefonia enpresako teknikariek hilabete daramate greban.

Enpresak egin dien azken kontratua bertan behera uzteko eskatu dute

Asier Garcia Uribarri -

2015eko maiatzak 6 - Gasteiz

Sindikatu nagusien laguntzarik gabe. Horrela ari dira aurrera eramaten Telefonicako teknikariak greba mugagabea. Telefonicarentzat lan egiten badute ere, ez dira bertako langileak. Kontrata eta azpikontratetako langileak dira, eta baita autonomo faltsuak ere. Urtez urte lan baldintzak okertu dizkietela salatu du Alex Palanco langileak. «Soka apurtu arte estutu dute».

Arabako, Bizkaiko eta Gipuzkoako langileek manifestazioa egin zuten atzo Gasteizen. Hilabete daramate greban. «Langile batzarretan antolatuak gaude, badaude babesa eskaini diguten sindikatuak, Euskal Herrian ESK-k, baina langileok ari gara borroka aurrera eramaten».

CCOO eta UGT sindikatuek greba hil nahi dutela salatu du Palancok. «Euren kabuz bi eguneko lanuzteak antolatu dituzte, patronalarekin negoziazio mahaia sortu eta greba bertan behera uzteko. Baina sindikatu horiek ez gaituzte ordezkatzen». Patronala ez da oraindik langileekin harremanetan jarri. Palancok adierazi du euren eskariak Interneten zintzilik dituztela eta argiak direla. «Ez dugu beste munduko ezer eskatu».

Telefonicak ezarritako azken kontratua maiatzaren 1etik dago indarrean. Langileek salatu dute kontratu berriarekin hamar-hamabi orduko lanaldiak izango dituztela, oporrik gabe eta, «egoerarik onenetan», 800 euroko soldatak jasoko dituztela. Gainera, kontratek eta azpikontratek autonomo faltsu egitera behartzen dituzte langile asko. Horren ondorioz, langileek lan tresnak, autoa eta gizarte segurantza ordaindu behar dituzte euren poltsikoetatik.

Langileek autonomo faltsu deitzen diote euren buruari, kontrata eta azpikontratek autonomo egitera behartzen dituztelako. Baina Telefonicarentzako baino ez dute lan egiten.

Aldarrikapenak

Hiru dira Telefonicako teknikariek egin dituzten eskaera nagusiak. Hasteko, hurrengo hiru urteetarako enpresak ezarri duen kontratua bertan behera uztea nahi dute.

Horrekin batera, lan itun propioa eskatu dute grebalariek, soldata igoera izateko eta sektore gisa eratzeko. «Telefonicako lan baldintzetara jo nahi dugu: astean 40 ordu, 30 eguneko oporrak eta astean bi atseden egun». Azken neurri gisa, horrela nahi duten «autonomo faltsuek» enpresan sartzeko eskubidea izatea eskatu dute.

Langileek nabarmendu dute gatazkaren ardura Telefonicak, kontratek eta azpikontratek dutela. Hala ere, multinazionala «ostrukarena» egiten ari dela salatu dute.

Euren borrokari hauspoa emateko manifestazioa egin aurretik, Eusko Legebiltzarrean izan ziren grebalarien ordezkariak. Bertan, idazki bat erregistratu zuten. Eusko Jaurlaritzari eta legebiltzarreko taldeei dei egin zieten lan gatazkaren konponbidearekin lotzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Grebara deitu duten sindikatuetako ordezkariak, atzo, Iruñeko Kondestablearen jauregian. ©IÑIGO URIZ / FOKU

Nafarroako langile publikoak grebara deitu dituzte hilaren 15erako

Itsaso Jauregi

ELA, LAB, UGT, CCOO eta Steilasen arabera, gobernuak ez du negoziatzeko borondaterik izan

Federico Lopez, Jose Luis Zubeldia, Juan Mari Perez, Bittor Eskisabel eta Jose Mari Lazkano. ©RAUL BOGAJO / FOKU

«Gure dirua eskatzen dugu; iruzur egin digute»

Maddi Iztueta Olano

Geroako Kaltetuak plataformako kideek estatutua aldatzea eta horren berri ez ematea egozten diete zuzendariei eta sindikatuei. Helburu argia dute: euren dirua, nahi duten eran, berreskuratzea.

Lan ikuskari bat, lantegi batera egindako bisitan. ©Berria

Ikuskatu ostean, 8.760 kontratu mugagabe bihurtu dira Araban, Bizkaian eta Gipuzkoan

Olatz Silva Rodrigo

Lan Ikuskaritzak 18.700 jarduketa baino gehiago egin ditu iaz, eta 7,5 milioi euro jarri ditu isunetan. Gutuna jaso ostean, langileen kontratuak erregularizatu ez dituzten enpresek ikuskariaren bisita jasoko dute 2023an.

Ilunion enpresako eraikinaren kanpoaldea. ©@ILUNION / Twitter

Ilunioni prestazioen %30eko errekargua jartzeko eskatu du Bizkaiko Lan Ikuskaritzak

Maddi Iztueta Olano

Iazko maiatzean enpresako langile batek izandako istripu baten harira aurkeztu dute eskaera. Halaber, Gizarte Segurantzari eskatu diote Ilunioni 2.451 euroko isuna jartzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.