Udal eta foru hauteskundeak. Gipuzkoa

Txikien trabak

Bozetarako izena emandako talde berriek herritarren %0,1en babesa behar dute. Aulki Zuriak-ek dio oztopoa dela alderdi txikientzat.

Donostiako azken udalbatzarra, joan den apirilean.
Donostiako azken udalbatzarra, joan den apirilean. JON URBE / FOKU Tamaina handiagoan ikusi

Maider Galardi F. Agirre -

2019ko maiatzak 24

Hauteskunde egunetan, herritarrek aukera dute nahieran beren hautagai gustukoena aukeratzeko, ala ez bozkatzeko. Zurian eta baliogabe ere bozka daiteke. Alderdientzat, ordea, ez da hain erraza boto papera inprimatu arte egin beharreko bidea. Hauteskundeetara aurkezten diren lehen aldian, barrutiaren %0,1en babesa behar dute bederen. Aulki Zuriak taldeko Daniel Lizarralde eta Luis Mari Ormaetxea kideek diote Alderdi handiek babes hori badutela; ez, ordea, alderdi txikiek. Joan den apirilaren 28ko Espainiako Gorteetarako bozetarako, 560 sinadura bildu behar zituzten legez, Gipuzkoan hautagai izateko: «Beste alderdiek abantaila dute gurekiko, kanpaina prestatzen ari diren bitartean gu oraindik sinadurak biltzen ari baikara». Hala ibili ziren hauteskunde kanpaina hasi aurretik, baina lortu zituzten beharrezko sinadurak: «Kalkulatu genuen 560 sinadura behar genituela, baina, badaezpada ere, horien %20 gehiago izan nahi genituen», azaldu du Lizarraldek. Alegia, 700 lortzea zen helburua, eta 665 lortu zituzten azkenean.

Ez dira sinadura bilketan aritu diren bakarrak; izan ere, udal eta foru hauteskundeetarako langa hori gainditu behar ez badute ere, Europako bozetarako behar dute barrutiaren %0,1en babesa. Hala, 15.000 sinadura bildu behar izan dituzte Espainian, barruti bakarra delako. Ormaetxeak nabarmendu du besteak beste PACMA, libertarioak eta Alderdi Komunista ere babes bila aritu direla: «Batzuek ez dute lortu, eta merezi zuten sikiera hauteskundeetan egotea».

Voxek ere sinadurak bildu behar izan zituen Gipuzkoan, Espainiako Gorteetarako hautagaitza aurkezteko. Bozen aurretik babes hori izatea galbahea ote den galdetuta, Aulki Zuriak-eko kideek uste dute iragazkia baino, oztopoa dela alderdi txikientzat: «Voxekoek badute beharrezko azpiegitura sinaduren bilketa egiteko; guk txandak egiten egon behar izan dugu, lanetik irten eta kanpaina prestatu artean», ohartarazi dute. Horregatik, eskatu dute %0,1en lege hori kentzeko.

Bozen osteko eskaerak

Hauteskundeak baino lehen bakarrik ez, hauteskundeen osterako ere eskakizun argia egin dute Aulki Zuriak-eko kideek; izan ere, hautetsirik lortzen badute, konpromisoa hartua dute beren eserlekua libre uzteko: «Gure sistema demokratikoagoa izateko, boto zuriak zenbatu beharko lirateke, eta proportzioan postu horiek banatu gabe utzi», azaldu dute; «hala ez denez, ez asetze hori ikusarazi nahi dugu». Ordezkariak lortzeko, ordea, udaletako bozen %5 lortu behar dute, eta foruetako %3. Langa hori kentzeko ere eskatu dute, azken bozetan ordezkaria lortzeko 23 botoren faltan izan baitziren Urnietan (Gipuzkoa). Aurten, Usurbilen, Urretxun eta Donostian ere aurkeztuko dira, baita Gipuzkoako Foru Aldundian ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna