Albistea entzun

Koronabirusa

Gazteak, txertoa hartzeko prest

Osakidetzak gazteei txertaketarako aukera irekitzearekin batera, arazoak sortu dira osasun sistemaren webgunean; itxaron zerrenda bat antolatu behar izan dute eskariei erantzuteko.
Gazte bat txertoa hartzeko ordua hartzen.
Gazte bat txertoa hartzeko ordua hartzen. BERRIA Tamaina handiagoan ikusi

Beñat Mujika Telleria -

2021eko uztailak 10

Jarri da martxan gazteak txertatzeko prozesua Araba, Bizkai eta Gipuzkoan. Hainbat arazo izan ziren arren, atzo eguerdian lortu zuten lehenengo gazteek txertoa hartzeko ordua hartzea. Aurrez, gauerdian erlojuan hamabiak jo zituenean, gazte asko saiatu zen ordua eskatzen, baina egondako eskari kopuruaren ondorioz erori egin zen webgunea. Astearen hasieran eman zuen Eusko Jaurlaritzako Osasun sailburu Gotzone Sagarduik albistea, eta gazteen ikusmina handia izan da aste osoan.

Atzo eguerdirako konpondu zuten gauerdiko arazoa, eta nahiz eta arazo gehiago ere izan, eman zuten izena lehenengo gazteek. Minutu gutxiren buruan, ordea, Osakidetzaren hitzorduen sistema osora zabaldu zen arazoa, gazte asko ari baitziren batera eskaria egiten. Azkenean, Osakidetzak erreserba hurrenkera gordetzen zuen itxaron zerrenda bat antolatzeko hautua egin zuen. Ordu erdi baino gehiago itxaron behar izan zuten zenbait gaztek eta 20.000 pertsona baino gehiago ere egon ziren une batez zerrendan. Beren osasun zentroetara deitu zuten gazteek errazago lortu zuten hitzordua, baina hala ere, arazo ugari izanda. Beste adin tarteetan ez bezala, Osakidetzak ez die SMSrik bidali 16-29 urte arteko gazteei, eta milaka gazte batera saiatu ziren ordua hartzen. Arazoak arazo, atzo 78.300 gaztek lortu zuten ordua txertatzeko, Sagarduik iluntzean jakinarazi zuenez.

Sailburua, «pazientzia» eske

Araba, Bizkai eta Gipuzkoan 16-29 urte arteko 270.000 pertsona daude, eta uztaila eta abuztua bitarte denek txertoa hartzeko era izango dutela adierazi dute osasun sistemako informazio iturriek. Sailburuak argi utzi zuen aste hasieran, behin gazteei txertaketarako atea irekita ere, egun batetik bestera ezingo zirela denak txertatu. Hasieratik, Osasun Sailak «pazientzia» eskatu dio adin tarte horretan dagoen orori, eta txertaketa «iristen diren dosien arabera» egingo dela gogoratu du Osakidetzak hainbatetan.

Bitartean, Euskal Herriko gainerako herrialdeetan txertoa hartzeko atea irekia dute adin tarte horretakoek. Nafarroan, Osasunbidea joan den astetik ari da txandak ematen, eta Ipar Euskal Herrian ez dago adin irizpiderik txertoak emateko orduan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adingabeen Sansoheta zentroa. ©Juanan Ruiz / EFE

Adingabeei sexu abusuak egiteaz akusaturiko hiruk akordioa egin dute Fiskaltzarekin

Edurne Begiristain

Hasi da Sansoheta zentroan Arabako Foru Aldundiaren zaintzapean zeuden adingabeak prostituitu zituen sare bateko ustezko kideen aurkako epaiketa. Hamar pertsona daude akusatuta.

Frantziako Polizia Angelun (Lapurdi), artxiboko irudi batean. ©Jagoba Manterola / Foku

Donibane Lohizunen 24 urteko gazte bat hil da auto istripuz

Berria

23 eta 25 urteko beste bi lagun egoera larrian ospitaleratu behar izan dituzte. 

Egunkarietako zuzendariak Pablo Gonzalezen eskubideen alde

Egunkarietako zuzendariak Pablo Gonzalezen eskubideen alde

Berria

Berria, Correo, Deia, Diario Vasco, Diario Noticias de Alava, Diario Noticias de Gipuzkoa, Diario Noticias de Navarra eta Gara egunkarietako zuzendarien agiri bateratua

Hendaiako atxikitze zentroa. / ©Bob Edme

Atxikitzeetako gehiegikeriak salatu dituzte

Iñaki Etxeleku, Ipar Euskal Herriko Hitza

CIMADE elkarteak Hendaiako atxikitze zentroko gehiegikeriak deitoratu ditu. Muturreko egoera gehiago direla dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...