Txirrindularitza. Euskal Herriko Itzulia. Erreleboka

Tropela bera ere, harrituta

Gorka Izagirre -

2014ko apirilak 8

Sentsazio arraroa daukagu taldean, baina emaitza txar-txarra ere ez dela izan esango nuke. Beldurtu samar geratu gara denok Contadorrek erasoa jo duenean, baina taldeak eta Valverdek berak lan ona egin dugu etapa guztian zehar. Bai, hamalau segundo dira, baina oraindik ere hor gaude, eta bien artean borroka handia egongo dela iruditzen zait. Gehienak gu baino okerrago daude sailkapenean, eta horregatik diot guk, behintzat, nahiko pozik egon beharko genukeela. Hau hasi besterik ez da egin oraindik.

Bagenekien Contador aurrean ibiliko zela Gaintzan, baina Valverdek gehiegizko konfiantza izan du, agian. Azpi-azpitik jo du erasoa, igoeraren zatirik handiena buruan egin du, eta bete antzean zegoen Contadorren erasoa iritsi denean. Ondoren, ez zegoen kilometro asko gainetik helmugara, eta, tira, hainbestean eutsi dio. 'Eta orain zer?' pentsatuko duzue gehienok. Bada, guk borrokan jarraituko dugula erantzungo dizuet. Valverderen ondoan egon behar dugu. Lasterketaren ardura hartuta, neke handia pilatu dugu, eta, agian, txarra ere ez da izango Saxok lidergoa hartu izana. Contadorren taldeak lan eskerga egin beharko du hurrengo etapetan, eta ikusiko dugu nola erantzuten duten.

Beste lasterketa bat ere antolatzen dute Ordizian, eta eskertzekoa da Euskal Herriko Itzuliko etapa bat bertan hasi eta bukatzea. Hemen hazitakoak gara gu, bertan entrenatzen gara, eta inguru hauek oso ondo ezagutzen ditugu. Guretzat oso berezia izan da etapa, eta zer esanik ez errepide bazterrean hainbeste zale ikusi ditugunean. Tropela bera ere harrituta geratu da muinoetan zegoen jendetzarekin; asko etorri zaizkigu hori esatera.

Ibilbideari dagokionez, Arrateri eta Markina-Xemeini begira daude gehienak, baina kontuz ibiltzekoa izango da Urdazubiko etapa ere. Goizerako euri pixka bat iragarrita dagoela uste dut, eta erabakigarria izan daiteke ezaugarri hori ere. Guri asko gustatzen zaizkigu euri egunak, eta ibilbidea primeran ezagutzen dugu gainera. Baina etapa nola doan aztertu beharko dugu bukaera partean zer egin erabakitzeko. Adi egon badaezpada ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna