Albistea entzun

Koalizioan aurkeztuko dira Gorroñoren taldea eta EAJ

Egun Gernika-Lumoko alkate eta Bilduko hautetsi dena izango da zerrendaburua.

EAk dio zuzen jokatu zuela kanpoan utzita
Itxaso Atutxa EAJren BBBko presidentea eta Jose Mari Gorroño.
Itxaso Atutxa EAJren BBBko presidentea eta Jose Mari Gorroño. M. RAMIREZ / ARP

Oihana Cabello, Busturialdeako Hitza -

2015eko martxoak 18 - Gernika-Lumo

Jose Mari Gorroño Gernika-Lumoko egungo alkatea eta EAko kidea EAJko hautagaiekin batera aurkeztuko da hauteskundeetan. Jeltzaleen eta Gorroñoren taldearen arteko akordioaren berri emateko atzo eginiko agerraldian, EAJren Bizkai Buru Batzarreko presidente Itxaso Atutxak azaldu zuen koalizioan aurkeztuko direla maiatzaren 24ko lehian, eta Gorroño izango dela zerrendaburua. Zehaztu zuen, halaber, EAko kidea izan dela jeltzaleei elkarlanean aritzeko eskaintza egin diena, bere alderdiak hura eta bere taldekoak EH Bilduren zerrendatik kanpo utzi ostean. Gernika-Lumon eginiko akordioa, baina, bakana dela argitu zuen Atutxak, eta gezurtatu egin zuen jeltzaleek Bizkaiko beste herri batzuetan antzera jokatzeko asmoa dutela.

Koalizio berriaren izena erabaki gabe dute oraindik, eta zerrenda bateratuari zein egitura eman aztertzen ari dira. Dena den, atzoko agerraldian azaldu zutenez, bat egite horretan zinegotzi gehiago izango lituzke Gorroñoren taldeak EAJk baino. «Gaur egun udalean dauden proportzioan izango dela adostu dugu», argitu du Gorroñok. Egun, hamabi zinegotzi ditu Bilduk, eta, horien artean, zazpi dira EAkoak. EAJk, berriz, bost ditu. BBBko presidenteak, halaber, azpimarratu du Gorroño eta EAJ ohituta daudela elkarrekin aritzera eta funtzionamenduan ez dutela arazorik izango. «Elkarlan hau ez da berria, udal gobernua osatu baitugu aurretik».

Programa politikoari dagokionez, oraindik garatu gabe dutela esan dute Gorroñok eta Atutxak. Hala ere, ikuspuntu komunak dituztela nabarmendu du EAJkoak. Atutxak eta Gorroñok argudio ekonomikoak eta pertsonalak mahaigaineratu dituzte akordioaren oinarriak eta programaren nondik norakoak izan daitezkeenak azaltzeko orduan. «Guk sarritan esan dugu pertsonak direla gure jarduera politikoan garrantzizkoena. Hori dela eta, norbanakokeriak eta alderdikeriak albo batera utzi, eta baiezkoa eman diogu Gernika-Lumoren alde egiteko erronkari», azaldu du Atutxak. Antzera mintzatu da Gorroño: «Alderdiak herritarren esku egon behar duten tresnak dira, ez alderantziz. Pertsonak daude alderdi politiko guztien gainetik». Gernika-Lumoko egungo alkateak espero du aurrerantzean harreman hobeak izatea Eusko Jaurlaritzarekin eta Bizkaiko Diputazioarekin. Horrek eskualdearen egoera ekonomikoa hobetuko duela uste du.

EAn jarraitzen du

Gorroñok ez du argitu EAn jarraituko duen edo ez, eta alderdiaren zuzendaritzak ere ez du zehaztu erabakirik hartuko duen horren inguruan. Egun Bilduko hautetsi denak esan du bere alderdia beti izan dela EA eta hala dela oraindik ere gaur egun. Alderdiko idazkari nagusi Peio Urizarrek, berriz, aitortu du kolpea izan dela beraientzat Gorroñok jeltzaleekin akordioa egin izana, baina azpimarratu du horrek erakusten duela EAren erabakia zuzena izan zela; alegia, egoki jokatu zutela Gorroño EH Bilduren zerrendatik kanpo utzita. «Agerian geratu da ez zuela bat egiten nazio mailako irizpideekin», azpimarratu du Urizarrek.

Sortuko presidente eta EH Bildu koalizioko kide Hasier Arraizen esanetan, berriz, gertaturikoak argi uzten du «Gorroño, guztiaren gainetik, gorroñozalea dela». Zehaztu du azken hiru hauteskundeetan hiru sigla politiko desberdinen izenean aurkeztu dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pablo Gonzalezen behin-behineko kartzelaldia luzatzeko eskatu du Poloniako Fiskaltzak

Pablo Gonzalezen behin-behineko kartzelaldia luzatzeko eskatu du Poloniako Fiskaltzak

Jone Arruabarrena

Kazetariak ihes egiteko arriskua dagoela argudiatu du fiskaltzak. Abuztuaren 23an erabakiko dute proposamena onartuko duten edo ez

'Gernika' koadroaren erreprodukzio bat, Gernikan (Bizkaia). ©Luis Tejido / EFE

Baliteke Gernika memoria toki izendatzea memoria historikoaren lege berriarekin

Lide Egizala Urteaga

Legeak «errepresioarekin eta indarkeriarekin» lotura duten lekuen zerrenda bat egitea aurreikusten du. Ezkabako gotorlekua eta Donostiako Cumbre jauregia memoria toki izendatuko dituzte, eta zerrenda osatzen ari dira hainbat elkarte.

Eneko Goia Donostiako alkatea, artxiboko irudi batean. ©GORKA RUBIO / FOKU

Eneko Goiaren gobernukideek baztertu egin dituzte alkateak proposatutako turismo tasak

Iñaut Matauko Rada

PSE-EEko eta PPko ordezkariek Eneko Goiaren proposamena kritikatu dute. Udalerriek kudeatutako turismo tasa ezartzea eskatu dio Donostiako alkateak Eusko Jaurlaritzari.

Elkarretaratzea, gaur, Leitzan. ©Leitzako Txosna Batzordea.

Txosnetan jasotako «mehatxu faxistak» salatu dituzte Leitzan, elkarretaratze batean

Berria

150 bat lagun elkartu dira Faxismoari stop lelopean. Pintura gorria bota zuten txosna batera, eta herritar baten aurkako mehatxuak ere agertu ziren.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...