Lau biktimen memoriari buruzko lana aurkeztu du gobernuak

Joxerra Senar -

2019ko urtarrilak 11

Baluarte jauregiko aretoa jendez leporaino zegoen atzo arratsaldean. Nafarroako Unibertsitate Publikoko ikerketa talde batek German Rodriguez, Jose Luis Cano, Gladys del Estal eta Mikel Zabalzaren kasuen oroimenari buruz egindako lana aurkeztu zuen Nafarroako Gobernuak. Azterketak hiru angelutatik jorratu du kasu horien memoria: familia eta lagunartearena, gizartearena eta erakundeena. «Nola gogoratu diren kasuok eta nola ez diren oroitu», zehaztu zuen Ana Ollo Herritarrekiko eta Erakundeekiko Harremanetarako kontseilariak.

Aurkezpenean, Ana Ollok gogora ekarri zuen memoriari buruzko politika berriak jorratzea izan dela Nafarroako Gobernuaren ardatzetako bat, hura sostengatzen duten lau alderdiek hauspotuta. Azpimarratu zuen gogoratzeak balio duela gertaerok ez ahanzteko, «inoiz horrelako zerbait gerta ez dadin». Olloren arabera, gizarteak eta erakundeek aitortu behar dituzte biktimak, «aitormen horretatik erreparatu dadin ahal den guztia».

Aingeru Epalza idazleak gidatu zuen mahai ingurua, eta, Carlos Irujo azterlanaren koordinatzailearekin batera, Jose Luis Canoren anaia Aingeruk, Mikel Zabalzaren arreba Idoiak eta Rafa Aldai Gladys del Estalen lagunak parte hartu zuten bertan. Hiruren kasuak azaldu zituen Epalzak.

«Zer ezkutatzen da egia judizialaren atzean? Hori al da, Fernando Grande Marlaska Barne ministroak dioen bezala, egia bakarra?», galdetu zuen Irujok. Haren esanetan, erakundeek euren irizpide propioak ezartzen dituzte zer gogoratu behar den eta zer ez adierazteko. Hala, frankismotik zetozen memoriaren eskema berberek funtzionatu dute, disidentziaren biktimak ahazteko. Horren aurrean, sendiek zein gizarteak beste memoria bat eraiki dute. «Bi memoria diferente izan dira: bata egiatzat hartua, eta bestea isilarazia».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna