HITZ ETZANAK

Barau

Andoni Egaña -

2018ko otsailak 1
Sigmund Freuden Die traumdeutung liburuan, ametsen interpretazioari buruzko horretan, azaltzen da Zarautz. Joango gara Fiturrera, egingo ditugu web-orriak, aipatuko du sarri-sarri Argiñanok, baina nekez lortuko du herriak hainbesteko oihartzuna duen beste inon azaltzea.

Halako liburu bati dagokionez, ez da modu arruntean azaltzen. Freudek aipatzen du ez dakit berari, bere lankide bati edo bere pazienteren bati Varaus edo Daraus edo Zarauz hitza agertu zitzaiola ametsetan eta ez ziola horri inongo logikarik aurkitzen. Harik eta gogoratu zen arte Espainiara egindako bisitaldi batean Donostiatik Bilborako trena hartu eta geltoki batean Varaus, Daraus edo Zarauz izeneko txartela irakurri zuela. Pasadizoa kontatzen dudan aldiro eransten diot epaia: «XIX. mendeko azken hiru edo lau urteetan egingo zuen bidaia hori. Orain Donostiatik Bilbora trenak bi ordu eta erdi behar baditu, pentsa zenbat denbora beharko zuen orduan. Ez zen ametsa izango, amesgaiztoa baizik!».

Euskotrenek hizkuntza eskakizunak jaitsi egin nahi dituela jakin genuen atzo. Zenbait postutako kontratazio berrietarako maila txikiagoarekin aski dela iritzi diote nonbait. B2 gehitxo jo dute tailerreko teknikari eta gidari kobratzaileentzat. Amesgaiztoa hau ere...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna