Arabak ez ditu aztertuko sindikatuen erresistentzia kutxen ordainketak

Gipuzkoak dio «edozein talde» izan daitekeela ikertua, eta ezin duela «informazioa berretsi edo baztertu», konfidentzialtasuna dela eta
Adolfo Muñoz eta Pello Igerigi, ELAko idazkari nagusia eta negoziazio kolektiboko arduraduna, atzo.
Adolfo Muñoz eta Pello Igerigi, ELAko idazkari nagusia eta negoziazio kolektiboko arduraduna, atzo. ARITZ LOIOLA / ARP Tamaina handiagoan ikusi

Xabier Martin -

2018ko otsailak 7

Arabako eta Gipuzkoako foru ogasunek jarrera desberdinak hartu dituzte sindikatuen erresistentzia kutxen jardueren auziari dagokionez. Arabak erabat baztertu du sindikatuek grebalariei egindako ordainketen inguruan inolako azterketarik egitea; ez du «beharrezkoa» ikusten. Gipuzkoak ez du argitu zein den bere ogasunaren jarrera Bizkaiak sindikatuei igorritako gutun eskaerek piztu duen egoeran. Hau da, ez du baztertu sindikatuen erresistentzia kutxak zergapetzeko asmoa, baina ez du berretsi horretan ari denik ere.

Imanol Lasa Gipuzkoako Diputazioko bozeramaileak denbora irabazi duela esan daiteke, sindikatuei erresistentzia kutxen inguruko informazioa eskatuko ote duten galdetu eta gero. «Ezin dut ez berretsi eta ez ukatu inolako informaziorik gai horri buruz». Konfidentzialtasunari buruzko arautegiari erreparatu dio galderari izkin egiteko, baina grebak egin ahal izateko funtsezko tresna hori darabilten sindikatuetan kezka txiki bat pizteko moduko esaldi bat gaineratu du: «Ogasunak edozein talde iker dezake».

Bizkaiko Aldundiak abiarazi duen egoera arantzaz beterikoa da, eta haren aurrean jarrera argia hartu du Arabak; gai horretan, behintzat, harmonizazio gutxi dagoela islatu dute aldundien adierazpen desberdinek. Ramiro Gonzalez Arabako ahaldun nagusiak esan du ez dutela «arrazoirik ikusi teknikariek neurriak har ditzaten». Bizkaiko Aldundiak, berriz, iruzurraren aurkako planaren barruan kokatu du sindikatuei erresistentzia kutxen ordainketen inguruan helarazitako informazio eskaera. Elena Unzueta bozeramaileak esan du Ogasunak ez duela irizpidea aldatu ordainketa horien inguruan. «Beti PFEZaren barruan» egon direla adierazi du Elena Unzuetak.

Irizpide aldaketen inguruan

Oso bestelako argudioz azaldu zuen egoera ELAko idazkari nagusi Adolfo Muñozek, herenegun. Esan zuen 38 urtean sindikatuak zorrotz bete dituela indarrean egon diren irizpideak, eta Bizkaiko Ogasunak behar duen informazio guztia baduela jada; bide batez, ukatu egin zuen ELAk eskaera ofizialik jaso duela, herenegun arte behintzat.

Baina gutunak jaso dituzte CCOOko eta UGTko euskal adarrek; haiek berretsi egin dute ogasunaren eskaera, baita erresistentzia kutxak ez dituztela erabili ere, 2014. eta 2017. urte arteko epean, hau da, Bizkaiko Ogasunak bere eskaeran zehaztu duen epean. CCOOk ez duela erabili beharrik izan azaldu du, eta UGTk ez duela erresistentzia kutxarik «edo antzekorik».

Hiru hilabete dira Bizkaiko zahar etxeetako langileen gatazka amaitu zela: 370 eguneko lanuzteen ondoren, euren aldarrikapenak lortu zituzten beharginek, eta erresistentzia kutxaren erabilera ezinbestekoa izan zen horretarako. Lan gatazka horren ondotik iritsi da Unai Errementeria ahaldun nagusi duen erakundeak sindikatuei eginiko eskaera, ia inoiz egin gabea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Donostian eginiko PCR proba bat ©Gorka Rubio, Foku

Alemaniak Hego Euskal Herrira ez bidaiatzea aholkatu du

Berria

Hego Euskal Herritik Alemaniara joaten diren bidaiariek aurrez PCR proba egin beharko dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna