Albistea entzun

Txapela, Arabako patatarentzat

Otogoiengo Borda Berri erretegiko Mitxel Suarez sukaldariak eginiko 'Txingurri' pintxoak lortu du aurten Euskal Herriko Pintxo Txapelketako txapela. Gasteizko Kea jatetxeak eskuratu du bigarren postua, eta Bilboko La Pizarrak hirugarrena. Epaimahaiak adierazi du hautaketa «zaila» izan dela.
. Borda Berri jatetxeak (Otogoien, Araba) irabazi du aurten Euskal Herriko Pintxo Lehiaketa. Mitxel Suarez sukaldariak egin du <em>Txingurri</em> pintxoa. jaizki fontaneda / foku
. Borda Berri jatetxeak (Otogoien, Araba) irabazi du aurten Euskal Herriko Pintxo Lehiaketa. Mitxel Suarez sukaldariak egin du Txingurri pintxoa. jaizki fontaneda foku JAIZKI FONTANEDA / @FOKU Tamaina handiagoan ikusi

Amaia Ramirez de Okariz Kortabarria -

2021eko urriak 21 - Gasteiz

Kontu handiz eta elikagaiak mimatuz osatzen dituzte parte hartzaileek pintxoak agertokiaren gainean. Kaxetan dakartzate osagaiak, txukun eta garbi; higiene neurriak ondo zainduta. Banaka dabiltza batzuk lanean, eta binaka beste batzuk. Txandaka ari dira jardunean, bakoitzak hamar minutu baititu gutxi gorabehera pintxoetako bakoitza osatzeko. Guztira, 11 egin behar dituzte; epaimahai ofizialarentzat izango dira lehenengo bostak; beste bost, herri epaimahaiko kide banarentzat; eta beste bat erakusketarako izango da, publikoak ikus dezan. Zerbitzariak arduratzen dira pintxo horiek epaimahaiko kideei eramateaz; aldi berean, oreka erakustaldi bat eginez; izan ere, delikatuak dira, eta egindako lanak ez erortzea da gaurko jokoaren legeetako bat.

Hain zuzen, Euskal Herriko Pintxo Txapelketaren hamaseigarren aldia izan zen atzo, Gasteizko Europa biltzar etxean, eta, orotara, hamar finalistak parte hartu zuten, aurreko bi egunetan kanporaketak egin ostean. Epaimahaikideei zegokien sukaldariek eginiko pintxoak dastatzea eta erabaki bat hartzea, eta, beraz, Leandro Gil chef nafarrak eta epaimahaiko kideak hartu zuen hitza. Hark eman zuen azken erabakiaren berri. Batetik, nabarmendu zuen «zaila» izan zela pintxo irabazlea hautatzea, eta puntuazioen artean «puntu eskas batzuk» besterik ez zeudela, eta, bestetik, erantsi zuen garrantzitsua iruditzen zaiela pintxoetan bertako produktuak erabiltzea. Hala ere, nahi ala nahi ez, irabazle bat aukeratu behar zuten, eta, azkenean, Mitxel Suarez sukaldariak lortu zuen aurtengo txapela, bertan bildutako guztien txaloen artean.

Borda Berri erretegiaren (Otogoien, Araba) izenean hartu zuen parte Suarezek lehiaketan, eta Txingurri pintxoarekin eskuratu zuen lehen saria. Emandako azalpenen arabera, helburu nagusia Arabako patata irudikatzea izan zen, eta, horretarako, lehenbizi, silikonazko elikagai molde bat sortu zuen; patatari kolorea emateko, berriz, tinta zuria, horia eta marroia erabili zituen, eta baita piperbeltz pixka bat ere, produktu horrek izan ohi dituen puntu beltzak egiteko. Barnean, euskal txerriaren sekretuarekin egindako gisatu bat sartu zuen, eta yakiniku izeneko saltsa korearrarekin eta haragi zuku pixka batekin ere osatu zuen pintxoa. Azkenik, lurraldea hizpide izanda, baba freskoak, Arangizeko patatarekin egindako purea eta Martiodako frutak ere erabili zituen.

Bigarren sariak ere lehenaren norabidea jarraitu zuen, eta Araban gelditu zen. Maikel Santos eta Maria Laskibar sukaldariek lortu zuten zilarrezko domina. Gasteizko Kea jatetxeko kideak dira, eta Panseta izeneko pintxoa egin zuten. Erabilitako elikagaiekin, hitz joko bat egin nahi izan zuten titulu horretarako, betiere gazteleraz pentsatuz gero. «Ogiaren, hirugiharraren eta perretxikoaren arteko joko bat da», adierazi zuten agertokira igotzean. Pintxoaren osaketari dagokionez, azaldu zuten kristalezko ogi bat dela zurtoina, eta hirugiharrarekin eta saihetsarekin eginiko gisatu batekin beteta dagoela; txapelari dagokionez, perretxikozko merenge lehor bat da, eta onddoak ditu barnean.

Hirugarren sariak, ordea, ez zuen Arabako lurraldearen esentziari eustea lortu, eta Bilbora eman zuen jauzi. Javier Jimenezek eta Jackeline Karolek eskuratu zuten postu hori, Nigiria de txuleta con pimientos asados pintxoarekin. Haien helburuetako bat, azaldu zutenez, txuletaren garrantzia azpimarratzea zen, eta baita haren zaporean zentratzea ere. Bilboko La Pizarra jatetxeko kideak dira biak, eta herri epaimahairen saria ere lortu zuten.

Hiru sari horiez gain, epaimahaiak aipamen bereziaren saria ere ematen du, eta Joakin eta Gorka Aginaga aita-semeentzat izan zen. Iruñeko Iruñazarra jatetxearen izenean hartu zuten parte, eta Irati pintxoa aurkeztu zuten, familiaren erroak gogoan izanda.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.
Imelda Staunton aktorea, Elizabeth II.aren paperean, <em>The Crown</em> telesailean. ©NETFLIX

Netflixen sasoi berria: zaharrak berri

Enekoitz Telleria Sarriegi

AEBetako plataformak bere telesailak eta filmak aurkeztu ditu Tudum ekitaldian: 'The Crown'-en itzulera eta 'The Witcher'-en prekuela, esaterako

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...