Gurasoen etxetik joateko aukera gero eta urrutiago ikusten dute gazteek

Gazteen Euskal Behatokiak egindako ikerketaren arabera, Araba, Bizkai eta Gipuzkoako gazteek iritzi baikorra dute etorkizunaren inguruan
Jon Redondo Gazteria zuzendaria, ikerketaren aurkezpenean.
Jon Redondo Gazteria zuzendaria, ikerketaren aurkezpenean. L. JAUREGIALTZO / ARP

Aitziber Laskibar Lizarribar -

2015eko martxoak 10
Gaur egun duten egoerari buruz eta etorkizunari buruz baikor dira Arabako, Bizkaiko eta Gipuzkoako gazteak. Egoera hobetuko zaien esperantza handiagoa dute duela urtebete baino, batez ere, lana lortzeari begira. Emantzipatzeko aukeraren inguruan dira ezkorren; gurasoen etxetik joateko duten nahia epe laburrean «bete ezinik» geratuko direla iruditzen zaie ia erdiei, eta gora egin du uste horrek, gainera.

Bereziki kezkatua du horrek Jon Redondo Eusko Jaurlaritzako Gazteria eta Kirol zuzendaria. Jakinarazi duenez, batez beste 30 urterekin uzten dute gurasoen etxea Arabako, Bizkaiko eta Gipuzkoako herritarrek, eta horrek eragin kaltegarria du gizarte osoan: berandu joaten dira beren etxeetara, berandu sortzen dute familia, eta, ondorioz, ume gutxi izaten dituzte. Zahartzen ari den gizartean, berebiziko garrantzia eman dio pentsioak ordaindu ahal izatea bermatuko duten belaunaldi berriak izateari. Suedia eta Danimarkan, esaterako, 20 edo 21 urterekin emantzipatzen dira gazteak, eta ondorioz, ume gehiago izaten dituzte.

Hala ere, oro har, baikor daude Arabako, Bizkaiko eta Gipuzkoako gazteak, Gazteen Euskal Behatokiak egin duen ikerketaren arabera. Aurrera Begira. Gazteen aurreikuspenei buruzko adierazleak azterketak jasotzen duenez, pozik bizi dira gazteen %78. Lanarekin eta diruarekin dute poztasunik gutxiena, baina egoera hobetuko dela uste dute.

Iazko azaroan 1.512 gazteri egindako inkestaren arabera, lana dutenek galtzeko arrisku gutxiago sumatzen dute 2013an baino, eta lana aurkituko dutela uste dutenak %60 dira —lau puntu gehiago—. Etorkizunarekiko konfiantza indizea %74koa da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: