Jaurlaritzak ez zituela bilerara deitu salatu dute Sortzen-ek eta sindikatuek

2016ko abenduak 21 - Donostia

Selektibitateari eta PISAren emaitzei buruzko bilera egin zuten herenegun Eusko Jaurlaritzak eta hezkuntzako eragileek. Talde batzuek salatu dute, ordea, ez zutela batzarrera joateko gonbidapenik jaso. Batetik, sindikatuak falta ziren, ELAk, LABek eta Steilasek salatu dutenez; bestetik, Sortzen elkarteak ere azaldu Jaurlaritzak ez zuela bilerara deitu. Hezkuntza Sailaren jarrera salatu dute hirurek. ELAren esanetan, «kritikak isilarazteko asmoz» ez zituzten deitu; LABek uste du «denen iritzia» ez duela jaso nahi izan gobernuak; Steilasek ohartarazi du langileen ordezkariak «gutxietsi» egin dituztela; eta, Sortzen-en arabera, «bere bidea» egiten ari da Jaurlaritza, eragileak aintzat hartu gabe. Parte hartzearen alde azaldu dira lau talde horiek.

Gaiari buruz galdetuta, Cristina Uriarte Hezkuntza sailburuak erantzun du «lan bilera bat» zela herenegungoa, eta horregatik ez zietela deirik egin sindikatuei. Selektibitateari dagokionez, jakinarazi zuen ekainaren 7an, 8an eta 9an izango dela ohiko deialdia. PISA probako emaitzei dagokienez, azterketa bat abian jarri dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna