2019an hasiko dituzte AHTaren Donostiako geltokiaren lanak

Aldirietako trena, autobusa eta AHTa lotuko ditu geltoki berriak. Tapia sailburuak ziurtatu du lanak amaituta egongo direla 2023rako
De la Serna, Tapia eta Goia, proiektuaren aurkezpen ekitaldian.
De la Serna, Tapia eta Goia, proiektuaren aurkezpen ekitaldian. JON URBE / FOKU Tamaina handiagoan ikusi

Jon Ander De la Hoz -

2018ko maiatzak 15

Abiadura handiko trena izango duen lehen hiriburua izango da Donostia. Atzo aurkeztu zuten, udaletxean, AHTaren geltoki berriaren proiektua Arantxa Tapia Eusko Jaurlaritzako Ekonomiaren Garapen eta Azpiegitura sailburuak, Eneko Goia Donostiako alkateak eta Iñigo de la Serna Espainiako Sustapen ministroak. Tapiaren esanetan, «behar funtzionaletara» eta arkitektura eta hirigintza arloko eskakizunetara egokituko da 2019. urtearen amaieran eraikitzen hasi nahi duten geltoki berria, eta autobus geltokiarekin eta Egia auzoarekin lotuko du trenbidea: «Atotxako terminala Norteko Geltokiaren eta Tabakalerako inguruaren egungo arkitekturan integratuko da, garraiobide desberdinen arteko intermodalitatea bultzatzeko». Eptisa Cinsak eta Jon Monterok osatutako aldi baterako enpresa elkarteari esleitu dio Jaurlaritzak proiektuaren erredakzioa; 861.033 euroko kostua izango du, eta hamar hilabete izango dituzte proiektua diseinatzeko.

Geltoki berriaren azalera guztia beheko solairuan ezartzeko «zailtasunak» direla eta, handitu egingo dute jatorrizko eraikina. Hala, bi solairu eraikiko dituzte, Tabakaleran dagoen hoteleko eraikinarekin eta AHTra sartzeko eraikinarekin bat egingo dutenak: «Hotelaren fatxada ere multzoan integratuko da, eta Tabakalerako kuboaren antzekoa izango da, jarraitutasun sentsazioa lortzeko».

«Pozik» agertu da Goia geltoki berriaren proiektuarekin: «Oso pozgarria da, arkitektura eta hirigintza alorretan mugarri izango baita». Halaber, Goiak egokitzat jo du Jon Monteroren proiektua aukeratu izana: «Monterok inork baino hobeto ezagutzen du Tabakalera, eta horrek emaitza egokia lortzen lagunduko du». Goiaren ustez, Donostiak «geltoki modernoa» izango du hiri erdigunean. Lanak 2020 eta 2021 artean amaitzea espero du Jaurlaritzak; gehienera jota 2023rako amaituko dituztela adierazi du Tapia sailburuak.

Beste bi solairu

«Hirigintza arloko mugek behartuta», beheko solairuan eta sotoan jarriko dute geltokia. Kaleko kotan kokatuko dute solairu bat; han egongo da geltokiko atarirako sarbidea. Sotoko solairuan egongo dira, berriz, atari hori eta AHTaren nasetarako sarbidea. Kaleko kotan kokatutako solairuak lotura egingo du aldirietako trenaren egungo geltokiarekin.

Horrez gain, estali egingo dute geltoki berria, eta gainean jarriko duten plazan argiztapen eta hirigintza elementu berriak sartzea aurreikusi dute proiektuan. Halaber, lurpeko hiru igarobide izango ditu geltokiak. Horietako bat egina dago jada, eta Egia auzoa hiriko erdigunearekin lotzen du. Proiektuan aurreikusitako beste bi igarobideak, berriz, distantzia ertain-luzeko eta aldirietako trenen nasetarako sarbideak izango dira. Tapiaren esanetan, AHTa hiriburuetara «heldu eta integratzean dago erronka». Jakinarazi du Gipuzkoako tartean lanaren hamazazpi zatietatik hamabi amaituta daudela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 519 positibo detektatu dituzte Bizkaian, Gipuzkoan eta Araban. 36 gaixo ospitaleratu dituzte azken egunean, bezperan baino 13 gutxiago.

Bainako Oihana ikastolako eta Estitxu Robles kolegioko ikasleak ©Gillaume Fauveau

Ziburuko eskolan agerraldi bat atzeman dute

Oihana Teyseyre Koskarat

Eskualdeko Osasun Agentziak agerralditzat jo du Aristide Briand eskolako kasuen agertzea. Zazpi haur kutsatu dira, gutxienez.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

 ©Raul Bogajo / Foku

Ziurtasunik ez ikasle pisuetan

Maria Ortega Zubiate

Ikasle pisuen egoerari buruzko kanpaina bat jarri du abian Euskadiko Gazteriaren Kontseiluak. Ziurgabetasunaren aurrean, klausulak eta halakoak jartzen hasi dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna