Albistea entzun

Bilaketa gainbegiratzeko eskatu dio Borja Lazaroren familiak Espainiari

Bi urte bete dira Kolonbia iparraldean desagertu zenetik.

Sendiak eta lagunek urteurrena gogoratzeko elkarretaratzea egin dute Gasteizen
Borja Lazaroren etxekoek eta lagunek elkarretaratzea egin zuten atzo.
Borja Lazaroren etxekoek eta lagunek elkarretaratzea egin zuten atzo. J. RUIZ / ARP

Erredakzioa -

2016ko urtarrilak 9 - Gasteiz

Borja Lazaro Herrero gasteiztarra Kolonbia iparraldean desagertu zenetik bi urte bete ziren atzo. Familiak gogora ekarri du, kasua ez ahazteko. Ana Maria Herrero amak eta Sergio Lazaro Herrero anaiak agerraldia egin zuten, Gasteizko alkate Gorka Urtaranek lagunduta. Espainiako Atzerri Ministerioari dei argia egin zioten: Kolonbiako Polizia egiten ari den ikerketari arreta handiz begiratu diezaiola. «Poliziak esaten digu oraindik ere bila dabiltzala. Baina Espainiaren enbaxadak eta kontsuletxeak gainbegiratu beharko lukete benetan hori horrela dela», azaldu zuen Sergio Lazaro Herrerok.

Joan den abenduan, Gasteizko Udalak antzeko eskaera bat egin zion ministerioari, eskutitz bidez. Cristobal Valdesek erantzun die, atzerrian dauden espainiarrez arduratzen den zuzendariak, eta elkartu eta hitz egiteko gonbidapena egin dio familiari. Ana Maria Herrerok onartu egin du, eta bilerara joango direla iragarri zuen. Iaz Iñigo Fernandez de Vigo orduko Europako Batasunerako estatu idazkariarekin elkartu ziren. Bileraren asmoa familiaren eta Espainiak Kolonbian eta Venezuelan dituen ordezkarien artean zuzeneko harremana sortzea izan zen, baina ez zen halakorik gertatu. Espainiak Kolonbian duen kontsularekin baino ez zuten egin berba, behin, eta telefonoz.

Familiak eta lagunek Lazaroren desagertzea gogorarazteko elkarretaratzea egin zuten atzo iluntzean Gasteizko Posta plazan. «Ezinbestekoa da nire semeari buruz hitz egiten jarraitzea. Isiltzen garenean desagertuko da benetan», ohartarazi zuen amak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...