Erreferendumeko galdera aldatu egin dute Eskozian

EDINBURGO. Eskoziako Hauteskunde Batzordeak hala gomendatuta, Alex Salmonden gobernuak autodeterminazio erreferendumeko galdera aldatzea erabaki du. Lehen, «Ados al zaude Eskoziak herrialde independente bat izan beharko lukeela?» zen galdera; orain, «Eskoziak herrialde independentea izan behar al luke?» izango da. Aurreko galderak hautesleak baiezkoaren alde baldintzatzen zituela iritzita erabaki dute 2014ko galdeketaren formulazioa aldatzea.